الايـابـن عـمـي قـــد تـولـعـت بالفـكـسـار
تولعـت ابـه يـوم(ن) كـل(ن) علـى جيبـه
ليا من عطينا الـدرب مانحسـب المشـوار
لـو ان الخطـر جانـا مانحـسـب عواقيـبـه
نبـاري بكـار(ن) زينهـا يـجـذب الانـظـار
مجاهـيـم بــدو(ن) مابـهـا شـكــه وريـبــه
حــداد الاذانــي عـلــط يـاربــي الـسـتـار
مثل رمـح شيـخ(ن) بينـات(ن) مضاريبـه
سهاف البكار اللي يجيهـا سطـر مـع زار
تـمـريـع وقـلـبـي مـــن غـلاهــا تقـفـيـبـه
تسابق علـى شرمـه ولاتحسـب الاخطـار
علـيـهـا الـعـطـاوي وسمـهـنـه تـمـاريـبـه
بخـف(ن) ليـا منـه وطـا الخـد ثـار غبـار
وفـي وسطهـن عومـان ضفّـت مشاريـبـه
مرابيعهـا العبلـه لـيـا شعـشـع المخـضـار
ومقيـاضـهـا يــــم الـمـحــازه مـواجـيـبـه
ولن كان في سوق العلف طارت الاسعار
نعشي سهـاف الشـول لـو راحـت انهيبـه