الهيـــــــــــــلا *** منتدى قبيلة عتيبة - مساجله مع الشاعر عبدالعزيز السليس

شرفني الشاعر /الكبير عبد العزيز بن جري السليس بهذه القصيده

راكب الي كن صوته لا نهمته=نحنة بنتا غنوجا من حياها
في صفاوة نغمة بلوفه وصمته=شيخ قوما لاسكت يبحث خفاها
ولمعة ارقامه ليا منك بصمته= لمعة نجوم المجره في سماها
جيب لكزز من حفيزه ما استلمته=من شريطين حلوفه ما حماها
نصه الي فاللوازم لازهمته=يحذف البسلم وعقاله وراها
لاحداني جاير الوقت اغتنمته=العريب الي سلومه مانساها
محزمي لاصكت الدنيا احتزمته=منحدر من لابة يذري ذراها
لانصيته قال تبشر لاعدمته=يوم بعض الناس معروفا مداها
بلغه عن حلمي الي قد حلمته=واقفا واهل اللحا تنفض لحاها
بينهم شيخا هرجلي مافهمته=وحوله رجالا عجزت اعرف لغاها
وشفتلي طفلا من وجهه رحمته= واقفا والناس معطيته قفاها
واحتويته والكلا قمت وقسمته=بينا وعلوم ماالحق منتهاها
وعن دروب الشك والريبه عصمته=وكنت اصونه من ردا الناس وقساها
ودربه الطيب على العليا رسمته=والوفا والطيب ربيته علاها
مااشهد اني يوم ربيته ظلمته=وسط دنيا يدرج دايم رحاها
يامطر كم عايلا عال ولطمته =وكم عجوزا جاتني تشكي عناها
ولاشكتلي وضعها المزري حسمته=وذاقت الراحه بعد فرغة يداها
كم بذلت المال عندي ماردمته=وكم فزعت لناس ماجاني جزاها
وشفت شيا في حياتي ما علمته=والاوادم صرت مدري وش وراها
وفالنهايه صمتي الدايم لزمته =وصرت مدري عن قدا الخلق وخطاها
يامطر جفني من النومه حرمت=مالعيون الحايره بين شقاها
وهم قلبي في خفى نفسي كنمته=خايف من هرجا يوجع صداها
يامطر علمي ومن يمك ختمته=وانت تعرف طيب هالماس ورداها

الردعلى ابوسامي

يانديـــبي بالجـــواب ألي نظمــته=فــوق من يطو الديار اليا مشاها
كن شارة جمس في مقدم طخمــته=تاج حـاكم دولة ترهــــب عداها
لأمشى مع عــبلة تــشبه عسمـــته=عج خيل مع صلاة الصبح جاها
صايح منــبح صوته من فـحـــمته=جات ذوده عــالــم قــفت عـلاها
ونمشى بالقار وبرجـلك كـتمـــــته=كنه الطلــقه اليا الـــرامي رماها
قبل نور الصبح لايـــجلا بهـــمـته=دق سلــفه والصــلاة اجب نداها
وطلب التوفيق في صبح جهـــمته=مــعــك ردي للـبيوت الي بناها
صاحبلي وافـين عـــقله وسمــــــته=عارفه مايترك النفس وهـــواها
مربه حلــم يـــقـــول اني حلـــمــته=وكثر الأحـلام ما يوخـــذنــباها
فيه شي فى الحـــقـــيقه ماهـــظــمته=والحـقــيـقه بالـخـيالي ماتضاها
لو بغــيت اقــولك وهم (ن)وهـمـته=ماتجاهـــلت القـــوافي ومعناها
مختصر ماصار يوم الـنوم نمـــته=انت في الدنياغريب من غرباها
بـيــن ناس صادق النـــيه ثلـمـــته=طاوعـت شيطانها ليـن احتدا ها
والـــنوايا مذهب الصاحي هدمته =والتكـــبرزود الطــيــنه بمــــاها
ونــعدام الصدق للاســــوى دعمته=وزاد فالناس التحاسد وعــتلاها
زاد حتى غـــطــت العالم عــتمــته=وقل فيها الدين من كثرة غباها
والصحــيح الوقــت هـذا زاد شمته=عزناس وناس برجــوله وطاها
ميرا قـــول الدرب لامنك عـــزمته=البشر بعـــزومها تبـــلــغ مناها
وغيره ان الـراي لامنك جــزمـــته=لاتشاور عالم(ن) ضايع جـداها
كم بالاريا واحد صاحي انجمته=وكم يضيع عباد من راي اشوراها
ونت دربك بالـوفاالدايـم حكمـته=وسيرتك بيضا تنومس من قــراها
ودام قلبك بالخصل هذي خصمته=سعــــــد قلب كــل هالدنــيا لقاها
والختام ارضا الكــريم اليا غنمته=فزت لــون البــشريكـــــثر لغاها
وسرك المكــتوم لايعـجـزك كمته=اقــــفل البيبان تــــمسك ماوراها