الهيـــــــــــــلا *** منتدى قبيلة عتيبة - محمد السناني و ملفي المورقي .. موآآآل

محاوره قديمه شوي

و هي عندي شريط فيديو .. و من بدايتها وهي والعه نار

بنفس الملعبه صارت محاورة رشيد الزلامي و ابن شايق .. الشهيره

و كذلك كان فيه طاروق قوي جدا بين محمد السناني و رشيد الزلامي

و اتوقع ان معنى الموال .. يدور على اللي صار من رشيد الزلامي تجاه ابن شايق و كذلك السناني

و اعتقد ان محمد السناني يتشره على المورقي .. بذا الموال

و بعد الموال صار طاروق رباعي .. قوي جدا .. خصوصا من ملفي المورقي .. اللي كان دبلوماسي طول الحفله .. و لكن خربها اخر الحفله ..

هذا الموال بين ايديكم .. و اللي عند اضافه .. او تعليق .. او يجيب المعنى ..

راح اكون له ممتن و مقدر لما يقوله

محمد السناني
سرا الليل يا ملفي والاقدار سايره
واخاف البنادق تصبح الصبح ثايره
ويدري بك ابو زيد و يضيق خاطره
طلبناك يا خلاق تغير ذنوبنا

يا المورقي تو دنياك ازهرت و انورت ... العقده اللي براس الحبل حليتها

تجملت بالطرقه وتصبح مجملا
لكن الشهر قدام تصحي مهلهلا
ويبقى بعير فالحموله محملا
.........................

اذاعة سويسرا بأخر خبر خبرت ... و انته ليا ذيعت الكلمه توحيتها

ملفي المورقي
اقول الحجر ما ينضرب غير بالحجر
لكن انت سالم يا محمد الخطر
وما لك ومال الناس لو تضرب البحر
.............................

ترا الجروح القديمه يا محمد برت ... يا ليتها من قديم الوقت يا ليتها

خابرك تفرح ليا اوحيت لك نبا
و هذي علومن تشرح البال وش تبا
كما علم طير جابه العصر من سبا
....................

ان طعتني لا تعاين في نجومن سرت ... تراك لا انته بمطلعها ولا اخفيتها

محمد السناني
انا داري انك شخص بيتك معمرا
لكن المصيبه جات في عقرب الثرا
لها صوت ما يسمع وبالعين ما ترا
..................................

الرايه اللي على راس الجبل رفرفت ... قالوا لي انك قبل يومين هديتها

تبي تتشكي للناس ما فيه مشتكى
رشيد الزلامي حط مركاه وارتكا
يحافظ على اسمه وانت ما همه اسمكا
......................

اشارة الحذر قالوا فالخطر ولعت .. ولعت تماتيك ولا رحت شبيتها

ملفي المورقي
ترا دايم الجني عن الذيب يختفي
وانا شاعرن ما اترك لزومي وماقفي
و احب الوفا للصاحب الغالي الوفي
................................

ترا العرب يا محمد غافله ما درت .... و انته تقول القضيه حل توقيتها

اسمي ما اشيله بالمحانك و بالعير
اشيله بعلم كنه النقش بالصخر
ولكن خل الشعر قطفن من ثمر
...........................

يا الشاعر اللي على بالك علومن طرت ... المعرفه ما تحصل غير في بيتها

محمد السناني
موفق موفق و السياسه موفقه
لكن الطيور الخضر فوقك محلقه
تبي تلحق اخر يوم ولا ما تلحقه
............................

كلن يشوف السحابه خيلت وامطرت ... و انته تقول العرب عطشا وانا اسقيتها

توقع توقع واعرف انك مراقبا
على فوق راسك روس ما فيه صاحبا
ولا لحيه ترخص على شان شاربا
..............................

انته سمعت الشيوخ العام وش قررت ... و الظاهر انك من المده تناسيتها

ملفي المورقي
ترا جوج يامجوج ما اكثر حسابها
كبارن ثناديها قصارن رقابها
ولكن ذا القرنين سدلك بابها

ناسن على الماء ورود وعالمن صدرت ... عساك يا شاعر الجهنان ما اخطيتها