ياوسيع البنايد يارفيع المقام=ماتحركني الكلمه وسمسارها
خلها خلها بلسان اهلهاتنام=مايشيل القبيحه كود حمارها
يعترض في طريقي كل شخصن خمام=الذرابه يمين وياخذ ايسارها
مايميزحلال ولايميز حرام=وش تفيد المراجل وانت دمارها
ان عطانا كلام وجاه رد الكلام=كبرت السالفه ثم كبرمصدارها
نلجم الخايب الهايب بسفهه ألجام=حيتن سمها يموت في غارها
ادري انه على ماقيل برد وسلام=والعرب من عرب ماتطفي نارها
ونظرنا بعيد ونبعده بصيام=والجراده نظرها دايم بجارها
والله اني كعام اللي بخشمه عرام=نعنبو ها مذله ونعنبو دارها

والله انــي كـعـام الـلــي بخـشـمـه عـــرام نـعـنـبــو هـــــا مــذلـــه ونـعـنـبــو دارهـــــا

المشاركة الأصلية كتبت بواسطة عناد الشيباني (المشاركة 1208604) الله الله صح السآآنك ابدعت :)

المشاركة الأصلية كتبت بواسطة (الــراوي) (المشاركة 1208608) الله الله صح لساااااااانك

المشاركة الأصلية كتبت بواسطة عـقـــــــــــاب (المشاركة 1208618) صح لساانكـ ياسعد مليووووووووووون