سريتها والسحاب يسل براقه=البارق االلي عباة الليل فتقها
على طريق الحجاز النفس تواقه=من خلفي العاصمه بالدرب فاهقها
تقويم عمري تنثر خلفي اوراقه=وانا رهين الهموم ازريت افارقها
ماعاد من بعد رابع عقد لي طاقه=لوكنت ثاني وثالث عقد طايقها
الصدر طول الزمن سكانة اعماقه=صكات الايام تاليها وسابقها
واللي يعيش بمكان وضيق اخلاقه=لوعات صدره مع البيدا يفرقها
والله لولا الذي باسبابي ارزاقه=اللي بلعبه مسراته نحققها
لاغيب غيبه لها الخطوات سواقه=عن ضيقة الصدر اغربها واشرقها
وش حيلتي غير هجر الجمع وفراقه=دام المجالس عصا الديان فاسقها
نياتنا بالوفا والناس بواقه=واهل الحسد بسمة المسرور تسرقها

المشاركة الأصلية كتبت بواسطة ; على طريق الحجاز النفس تواقه=من خلفي العاصمه بالدرب فاهقها تقويم عمري تنثر خلفي اوراقه=وانا رهين الهموم ازريت افارقها ماعاد من بعد رابع عقد لي طاقه=لوكنت ثاني وثالث عقد طايقها

المشاركة الأصلية كتبت بواسطة أبن حشيان (المشاركة 1208059) اخي نادر ابن طريخم والله ماعندي شي اضيفه الاء ان صح لسأأأأأأأأأأأأأأأأأأأأأأأأأأأأأأأأأأأأأأأأأنك قمت الابداع لو عندي صلاحية التقييم عطيتك خمس نجوم سجل اعجابي وتحياتي لك