عزي لحالك ياعزيّز وأنا ابوك=كان الزمان اللي وطاني توطاك
افهم وصاتي ياعزيّز وانا ابوك=دامك صغير وغاية العلم يقراك
تراه ماينفعك خالك ولا خوك=لا صار ماتقضي لزومك بيمناك
وربعك ليا بان الخلل فيك عافوك=أقرب قريبٍ لك من الناس يشناك

يامرقبٍ بالصبح عديت عاليك=ما واحدٍ قبلي خبرته تعلاك
وليت ياذا الدهر ما اكثر بلاويك=الله يزودنا السلامه من اتلاك
يامالك أسمع جابتي يوم اوصيك=اسمع ترى يابوك بامرك وانهاك
وصيةٍ من والدٍ طامعٍ فيك=تسبق على الساقه لسانه لعلياك
أحفظ دبشك اللي عن الناس مغنيك=اللي ليا بان الخلل فيك يرفاك
وهرج النميمه والقفا لايجي فيك=اياك عرض الغافل اياك واياك
ولاتحسب ان الله قطوعٍ يخليك=ولاتفرح ان الله على الناس بداك

المشاركة الأصلية كتبت بواسطة فهيد الرويس (المشاركة 1206663) يعطيك العافيه يامحمد والتشابه بينهم قد لايخفى على احد ولكن لتوضيح الابيات الاولى من قصيدة سليمان بن شريم وليسا بن هويدي ولك اجمل تحيه

المشاركة الأصلية كتبت بواسطة عاشق الطاروق (المشاركة 1206985) لاهنت على النقل وقصيدتين مافيها كلام حكمة

المشاركة الأصلية كتبت بواسطة علي الثبيتي (المشاركة 1207320) خطير يامحمد ومواضيعك مفيده ولكن التشابه في العجز فقط من ناحية القافيه ولدي سوال الاقدم قصيدة الشريف والا قصيدة ابن شريم

المشاركة الأصلية كتبت بواسطة الجوراسي (المشاركة 1207327) اخوي الله يعطيك العافيه التشابه في مضمون القصديتين إلى حد التشابه في القافية واللفظ دلاله على سمو المطلب المنشود عند الاولين ووحدته اي ان هذه الوصية المختصرة هي لب التربية القديمة والاصيله والتي من خلالها ينسج الشاعر بيوت قصيدته ولعل القصيدتين جاءت هنا متوافقة بسبب توارد القافية.. والا المضمون فاستطيع ان اجزم انه نفسه في كل القصائد القديمه من هذا النوع تحياتي لك ولمواضيعك الجميلة