ياهاجسي مابين حاوي ومردود=دايم تشب النار في قاع صدري
وسبة معاويدك ليا هبت النود=واسري لو ان الليل لازال بدري
خوف(ن) لايحلقني من الناس منقود=ولاعاد ينفع بين الاجواد عذري
ان عشت عشت بعز والعمر محدود=وان مت موتي حق والوقت يجري
قد قالها بن سرور لان كنت ملهود=الله خلق فالكون ثلثين بري
لاصار مالي من ورا اهل المدن فود=اقطع تهاتيه الخلا بالتجري
يرضيني المقسوم نقص(ن) على زود=سبحان رب(ن) بالمخلايق يدري
مدام كلن يفتخر في هل الجود=ماحدن بمانعني بعزي وفخري
يوم انها شلفا وبارق وبارود=لي عزوة(ن) فالحرب تزداد شري
ذوي عطيه زبن من كان مضهود=شرابة الفنجال وقت التدري