مطعم الياقوت صار النا عقوبه=كل يوم انجيب من عنده دجاجه
لحية الافغاني وشكله وثوبه=تدبل الرجال وتخرب مزاجه
والغنم غليت وراعيها يادوبه=يشتري برسيم ويعشي نعاجه
مايبيعك لو تلوى في جنوبه=لان تدفع له دبل ورى خراجه
والمحرج مايفكر في ذنوبه=مايبا غير الدلاله من حراجه
والبقاله كل وقت وكل نوبه=عامل الدكان مايفصل عجاحه
عند بابك وانت تدحا في جيوبه=كل ماصكيت بابك جاب حاجه
والعزوبي لو يبى ستر ومثوبه=من غلات المهر ماينهض حجاجه
لورضى بالدين عيو مارضوبه=لان يرضى بالمذله والسماجه
وان تخاذل قالو البنت مغصوبه=طلقوها رخمه وطافي سراجه
ياوجودي وجد من قامو وجوبه=من سريره ماحدن يعرف علاجه
المرض عامين وابناه اغدروبه=كن كبد العود تقلى فوق صاجه
الحياه اللي مضت عز وعذوبه=والحياه الحاضره فيها انعواجه
الغلى مذموم لو ناس افرحو به=الفقير ايموت ماجاه انفراجه

المشاركة الأصلية كتبت بواسطة الرأي الآخر (المشاركة 1205693) صح لساااااانك ..