في زمـان الفيـن كـل الاوادم مشغليـن=كل منهم معه سبحـه وبـوك ومرسمـه
ودهم بالشعر والشعـر وهبـه ياحسيـن=ياهب الله عبـد والعبـد الاخـر يحرمـه
وان بدع قافين غنابهـا فـوق اشهريـن=وقال هاذي من هجوس الظماير محكمـه
ان مدحته كـذب يـزداد طولـه قفلتيـن=وان نقدته صدق قال انت مالـك خاتمـه
والمصيبه لاشرى البوك دوبـه ساعتيـن=نصـه إيشقـه ونصـه إمشطـب بقلمـه
والمعرفه رحمت الله علاهـا مـن سنيـن=روحـت مابيـن قـاري وراعـي بغنمـه
عفتها واقفيـت عنهاوانـا قلبـي حزيـن=جوهااللي كان صافي دخـل فيـه اعتمـه
اخذت قسمي مع رجالن كرامـن غانميـن=والقناعه كنـز ماهيـب قشعـه وسلمـه
اضرب الامثال للـي معـه قلـبٍ وعيـن=والحرار امـن الاشـاره كلامـي تفهمـه
مانجامـل فالخطـا والمواقـف مانلـيـن=ومن زعل من دون حاجه عسى الله يكرمه
مايقدملـي هزيلـه واقـول الهاسمـيـن=والله اني لنطـق الحـق وانـي ماظلمـه
فاالعوارف مابتلش ادحـم ابجنـبٍ متيـن=مـن يعيـل أعدلـه والغشيـم افهـمـه
ولايسوي الطيب غيـر الرجـال الطيبيـن=ماذكرلي طيبه جـات مـن عنـد أرخمـه
والرجال اشكال واصناف وانتـم خابريـن=فيـه رجـالٍ سنافـي ورجـال أحلـمـه

ان مـدحـتـه كــــذب يــــزداد طــولــه قفـلـتـيـن=وان نقدتـه صـدق قــال انــت مـالـك خاتـمـه

المشاركة الأصلية كتبت بواسطة محمد الذيابي (المشاركة 1204103) ان مـدحـتـه كــــذب يــــزداد طــولــه قفـلـتـيـن=وان نقدتـه صـدق قــال انــت مـالـك خاتـمـه صح لساااااااااااااااااانه

المشاركة الأصلية كتبت بواسطة كايف العطاوي (المشاركة 1204123) سلطان البقمي جيت اقتبس بيت جميل ولكن حصلتها بمجمعها راااااائعه كـــ روعة شــــــاعــــــــــرها صح لسانك عددً بلا مـــدد

المشاركة الأصلية كتبت بواسطة وسيع البنايد 11 (المشاركة 1204186) ودهم بالشعر والشعـر وهبـه ياحسيـن ياهب الله عبـد والعبـد الاخـر يحرمـه عز الله صدقت ياليت المستشعرين يقرون هالبيت صح لسانك وسلمت يمينك واعز الله راسك

المشاركة الأصلية كتبت بواسطة سعد بن مطلق المقاطي (المشاركة 1204228) صح لسااااااااااااااااااانك

المشاركة الأصلية كتبت بواسطة أخو جوزا (المشاركة 1204246) صح لســــــــــــــــــــــــانك

المشاركة الأصلية كتبت بواسطة برررق الحيا (المشاركة 1204249) صح السانك ياسلطان قصيدة شامخة عصرية معبرة استمتعت بقراءتها