| مساعد حمود العضياني |
23-Jul-2011 02:19 AM |
قصيدة البعد
بيني وبينـك ياصحيبـي مسافـات=البعد عذبني وانـا كيـف اطيقـه
اتعبت حالي والسعـادة ولاجـات=اسال جروحي كيف ويش الطريقه
مافادني صبري ولا فادت اهـات=من عقب ماشبت جروحي حريقه
وانته بعيد ولا طرالك بلحظـات=تذكر صحيبك والمشاعـر رقيقـه
عطني سبب غيبتك والانقطاعـات=عطني كلام الصدق هات الحقيقه
وانا بعـذرك والليالـي معانـات=بصبر ولو القلب صايبـه ضيقـه
تدري احبك والليالـي ولوعـات=لوعات وقتـاً ماعرفنـا طريقـه
عطني همومك والدفاتر علامـات=خلاص انا وشلون ابصبر دقيقـه
وان كان ماجبت الحقيقه ولاجات=خـل المحبـه ياحبيبـي طليقـه
|
