لو ينكتب جرحي على بيض الاوراق = كتبت حتى فيه تشفى جروحي
لي صاحب حبه حرق قلبي إحراق = اسج عنه إشوي وارجع وانوحي
قربه هنا روحي وبعده لها فراق = وإن قيل عنه إشوي لااسمع ولااوحي
هرجه يفرحني ولو خاطري ضاق = هو منوتي ياصاح غرون مزوحي
رمشه طعني بالحشا وسط الاعماق = ومن طعنته ياصاح دمي يفوحي
وليا عرض خده كما لمح براق = يصبح ظلام الارض عقبه يضوحي
وليا هرج كني على الهرج تواق = اتوق للي في كلامه نصوحي
تسعين ليله محرق قلبي إحراق = واشتاق إله لاشفت براق يلوحي
مشتاق إله ياعزوتي حيل مشتاق = واخاف لو طولت سري يبوحي