ياعاشق الدنياء ترا مابها فود=أحذر من الدنيا وخذها نصيحه
أنصحك ياغافل ترا العمر محدود=والعمر يفنى والليالي شحيحه
والجسم لابده على القبر مسهود=والمال يوخذ بالتساوي طفيحه
ولو عشت بالدنياء معزّز ومحمود=يجيك يوماً فيه فتح الشريحه
صوم رمضان وصل ماضاع مجهود=تلقاه يوم الحشر وسط الصفيحه
ماينفعك همّام لاصرت مقرود=أطلب رضا ربك وقوم أستبيحه
وأطلبه عفوه يوم شاهد ومشهود=وأطلبه ستره من عيوب الفضيحه
والشعر مابه فود ياكاسب الفود=لاصار مايبري ويشفي القريحه
ناخذ من أفعال الرجاجيل ونزود=والطيب نسعى له على كل ليحه
هذا الصحيح وكل ملحوق مطرود=عكستها والعكس جمله صحيحه
وصلاة ربي عد ماذعذع النود=على الرسول اللي أمر بالسميحه

المشاركة الأصلية كتبت بواسطة عـقـــــــــــاب (المشاركة 1201699) صح لساااااااااااانكـ ياشاعر النصيحه