|
محمد السناني و مرهب البقمي ..
لا اجيد المقدمات و لكنها محاوره جميله :D مرهب البقمي مرحبا في مرحبا عن ربعي سهوم المنايا ... في محل حمود ساس الجود نبراس الزعامه يوم يبسن الشفاه و راحت الدعوه حمايا ... وقفته تاجن على راسي ليا يوم القيامه محمد السناني البقى عند البقوم اللي يزيدون التحايا ... في محل اللي تعب للمجد و اعطاك السنامه بيض الله وجه في من موقفه سوى سوايا ... و بيض الله وجهك انت ان كان ما تنسى مقامه مرهب البقمي لو نسجلها غلط ضاقوا بعيدين النحايا .. و انت يا محمد خشيري فالمواقف و الكرامه حددوا راع الرعاه و ضاقوا رعاة الرعايا ... مير رغم اللي حصل ما ضاق خيال الجهامه محمد السناني لا تسجلها غلط فردي و تفقدها المزايا ... مير اظنك مونسن لك شيء من تحت العمامه بلشوا الرعيان و الفريس و اصحاب المطايا ... مير اظن المحترم يفرض على الناس احترامه مرهب البقمي مونسن فالراس طنيه من رياجيلن طنايا ... و انت في راسك شبه بين القرامه و الرخامه كل شيء الا المراجل ما تهيا بالوصايا ... و البعير شعيل ما يبرك مباريك النعامه محمد السناني اثر طنية روسكم من طنية الروس العرايا ... اثرني غلطان يوم اني كشفت الابتسامه ما عرفت تخطط الموضوع فأبعاد و زوايا ... ارعدت في نجد و انهلت على ساحل تهامه مرهب البقمي طنية الروس الشجيعه خلتك ضمن الضحايا ... يوم شبت بيننا حربن مثل حرب الرغامه يا محمد لا تليّم لك سواليف و حكايا ... ثم ازودها علامه ثم انقصها علامه محمد السناني فيه حرب فالسلاح و فيه حرب فالهدايا ... معركه منها تحمدنا لمرهب بالسلامه لا تكلمني كلام احفاد ما هو مستوايا ... ما ابري المتهم ولا ازيده على قد اتهامه وش رايكم في مرهب ..!؟ :rolleyes: |
نقل رائع ومحاوره اروع مرهب اجاد والكنق ابدع كعادته بيض الله وجيههم لك تقديري واحترامي
|
والله انك جاي و مطفي النور
ابك اللي يلعب جنيه الذهب .. ماهو الكنق ههههههههههههههه لا هنت على مرورك |
في محل اللي تعب للمجد و اعطاك السنامه
بيت رائع وتضهر فيه حركات السناني ولكن لو قال واعطالك سنامه كان افضل وبيت مرهب ايضا و انت يا محمد خشيري فالمواقف و الكرامه جميل جدا ورد على البيت السابق ويقول تراك انت بعد استفدت وعينت خير اكتفي بهاذين البيتين واترك الفرصه للاخوان ولكن مرهب شاعر قادم بفوه والسناني عاد ماوصلنا اننا نقيمه |
محمد السناني
البقى عند البقوم اللي يزيدون التحايا ... في محل اللي تعب للمجد و اعطاك السنامه بيض الله وجه في من موقفه سوى سوايا ... و بيض الله وجهك انت ان كان ما تنسى مقامه مقصرت على جهدك بس البيتين اعتقد انها غير المكتوب من ناحيه التركيب التركيب فيه ركاكه في البيوت السنامه افقدت البيت جماله كن الي قالهاااا معسور عاجز عن صياغة البيت بشكل اجمل وكذلك بيض الله وحه في من موقفه سوى سواياااا يمكن تكون بيض الله وجه من في موقفه سوا سوايااااا تاكد من ان النقل وشاكر لك مره اخرااااا |
يعطيك العافيه على االنقل محاورة رائعه جداً
تقديري لك |
محمد السناني
فيه حرب فالسلاح و فيه حرب فالهدايا ... معركه منها تحمدنا لمرهب بالسلامه لا تكلمني كلام احفاد ما هو مستوايا ... ما ابري المتهم ولا ازيده على قد اتهامه الكلمات الملونه والشطر الاخير فيها خلل في صحة الصياغه والوزن محاوره جيده ومرهب أبدع فيها |
اقتباس:
الله لا يهينك يا الشششهراني و بيض الله وجهك على مرورك الجميل لك ارق التحايا و الاحترام |
اقتباس:
والله ياخوك فيه مقطع صوت و صوره حاطه .. يمكن ما ركزت او ما قدرت اوصل للكلمه و لكن قدامك المقطع و تقدر تعدل و تتأكد و بخصوص الملاحظه الثانيه .. معاك حق .. انا اخطيت و قدمت الـ في .. قبل الـ من و شاكر لك مرورك الجميل |
اقتباس:
الله يعافيك يا البقمي ولا هنت على مرورك |
| الساعة الآن »01:20 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd