| علي الحبابي |
16-Jul-2011 09:20 AM |
يازماني كل ماخلت مرزمة الغيوم
يا زماني كل ما خلت مرزمة الغيوم =استخالت وابعدت والعيون تلدها
والرجا من جاير الياس عيا لا يقوم =وضيق صدور الهقاوي وبيح سدها
قال لي لا تتعب النفس والوضع محسوم =لا تعني والمقادير محدٍ ردها
قلت له لا تندب الحظ وتشيل الهموم =وكل حاجة بالزمن فيه حاجة ضدها
التحلي بالصبر والمثابر والعزوم =يوصل النفس لمناها وغاية ودها
والتجارب مدرسة والتعلم كل يوم =والدروس تشيب الروس يوم نعدها
والحياة بحور يغرق بها اللي ما يعوم =كل نوب يصطفق جزرها مع مدها
والمراجل صرح يبنى على طيب السلوم =والغبي اللي ليا من بناها هدها
وللظروف سياسة بالدفاع وبالهجوم =مرة نغزي عليها ونوب نصدها
وبين لافوح المشاتي ولا هوب السموم =نسبر لشرد الفرص والحظوظ نهدها
والسباع تصوم لو كان ما تنوي تصوم =الزمان يحدها والحمى محتدها
ما بقى الا تسهر الليل كله ما تنوم =وتقنب بعال الجبل والسنون تحدها
وكل سبع صار في تالي ايامه خدوم =لو جمع بين القسا والشجاعه والدها
للشاعر خليل بن هدلان |
