يقولون تعرف قيمة الشخص لامن غاب=وانا عارفاً قيمتـــك وانته معي موجود
اعدك بوزن الزير ســالم ووزن ذياب=حزاماً يشـــد ابك الظهر فالليال السود
تذوق الحلـو والمـرّ فالموقف الغصاب=ليا صــــار ما بين المشاكيل نقص وزود
ويوم الحمــــولة نوخت حر شـامخ ناب=تحملتــها بالمعرفة والــوفاء والجـــــود
وعديت يا شقــران في عـــالي المــرقاب=وقلــت ازهلـــــوها كلهـا والبـــرا مردود
ولو مـا حصل ما فيه من مثلك استغــراب=علشــــان فعلك من قديم الزمن محمود
لكن الجمــــــايل دين لو مالها طــــلاب=يعرف الجمل مقدارها لو نسى المفـــرود
يا راع الجميـــلة وانت للطيــبة كســاب=ترانا سوى واللي موصيــــك فيه العود
موصي عليه رجال غيرك طوال اشناب=ولجل المكـــارم واهلها ساقوا المجهود
عسى الله يجمل حالهم والزمن ما شـاب=ويعطــون راع الذود الاول بداله ذود
هذا اللي نقـــــوله والله الرازق الـوهاب=وعــامر ولد مسفر هو الطيب المقصود

المشاركة الأصلية كتبت بواسطة سعد بن مطلق المقاطي (المشاركة 1201515) صح لســـــــــــــــااااااااااااااااااانك

المشاركة الأصلية كتبت بواسطة محمد الذيابي (المشاركة 1201759) كفيت ووفيت يالعضياني صح لسانك

المشاركة الأصلية كتبت بواسطة مشاري الحبردي (المشاركة 1201778) صح لسانك يالبواردي

المشاركة الأصلية كتبت بواسطة حمود العازمي (المشاركة 1202487) صح لسانك يامحمد العضياني وعامر ولد مسفر يستاهل تحياتي لك

تذوق الحلو والمر ف الموقف الغصاب=ليا صار ما بين المشاكيل نقص وزود