الهيـــــــــــــلا *** منتدى قبيلة عتيبة - وين الصداقه فيك ياطير ابن عون

قصيده للشاعر سعيد بن ثايب الذيابي

الليله أمسى القلب حاير ومشطون
على اللذي حال أسود الليل دونه
عز الله أن الطير ماهوب مامـون
كم واحد ٍ عقب الصداقه يخونـه
إليا تنكّر ماسمـع مـن ينـادون
أصنج هوى وش عاد لو يندهونه
عنايتي لك ماثمرت ياأشقر اللون
أقفيت يوم القنص حلّت احتونـه
وين الصداقه فيك ياطير ابن عون
أتلى كرامتنا الك صارت مهونـه
وانته هديـة عـزوة ٍ مايمنّـون
إن فات منهم شـي مايحسبونـه
روسان في كل المواجيب يافـون
الطيـب مـن جدانهـم يارثونـه
تورثه غصب ٍ على اللي يحسدون
عبـدالله اللـي وافيـات ٍ فنونـه
إليا لفاه اللي من الضيق مشحون
يلقى سعة صدره وتذهب حزونه
ماهوب من فالمرجله يتبع الهـون
اللي على ربعـه يطيـر عيونـه

اتمنى ان تحوز على رضاكــــــــــم
اخوكم / ابو مسلط الذيابي