ياليت تنقدون القصيدة اتمنى فائدتي سريعا طلب سريع من الشعراء والنقاد
 

السلام عليكم يا شباب وش الأخبار أنا كتبت القصيدة وهي رثاء عمي الله يرحمه الموضوع إني أول مرة أكتب وأتمنى منك الشعراء أو النقاد ايضاحي على هذه التجربة والحكم على القصيدة من حيث الابيات والكسر وتوضيح الاخطاء لي مشكورين وابداء الرأي وليس للتسلية فقط


أخليكم مع القصيدة /

يرحمك ياعمن كل ماحل طاريك ***** ويسقيك من حوض النبي سلسبيلِ
عساك في الجنة عاليتن مبانيك **** في جنة الفردوس عند ربك نزيلِ
عساك ياقبر من النور يضويك **** ليوم القيامة يوم حشرن مهيلِ
موتك مصبية ولا فيه تشكيك **** والله جمرة طايحة بالشليلِ
تمر صورتك علي يوم تفكيك **** كفنك عن وجهك المستهيل ِ
ثامر يقول أبكيك لين قبري ينازيك **** وأنا بقول أدعي نهاري وليل ِ
يرحمك ياعمي من النار ينجيك **** ماقد شكا منك شيبان وعويلِ
دمع المحاجر حار يوم الخبر فيك **** من وسط عيني صار دمعي يسيلِ
ماصك بيبانه ومعها الشبابيك **** في مجلسه مقعد للرجاجيلِ
ماظن دمع العين يرجع بغاليك **** كان نبكيه لين يسيل المسيلي
أوصيك عبدالله في أم ترجيك **** ترجي بناتن حرمن السلاسيلِ
وآخر كلامي صلاتي والتباريك **** على محمد نبيك خير المراسيلِ

السلام عليكم ورحمة الله وبركاته



ماشاء لله تبارك الله المشاهدات على كتابتي 15 مشاهدة ماحصل ولا رد واحد يثري المنتدى ويثريني اتمنى من المشرفين على الشعر الشعبي على إجابات تساؤلاتي وإلا ما الفائدة على الاشراف على منتدى شعبي والمعذرة على القسوةفي الكلام

الله يرحم عمك

:
:
:
:

الله يرحم عمك ،،

شكراالأخ غالب والاخ محمد لكن ماقلتوا لي وش رايكم في القصيدة من حيث الكسر و النقد اتنمى إفادتي من خبرتكم

أنت تنشر قصيدتك وتقول أنقدوها والله أنك مثل اللي غادي به السيل ويقول كريم

هلا الأخ الاصلاحي ياليت تفهم كتابتي


أنا ما نشرت من أجل النشر لأني شاعر لكن هي تجربة واتمنى ابداء الرأي والنقد الفني للقصيدة حتى استفيد

آسمع وأنا آخوك تبي نقد آ عرض قصيدتك قبل تنشرها على من تثق فيه



آما قالك تستاهل النشر وبدآلك مرآياته ولا قالك لاتقحم نفسك في شئ لاتفقه فيه وسلمت