|
طاروق حبيب العازمي وسلطان الجلاوي في الحويه
هذا طاروق ليلة البارحه بين الشاعر سلطان الجلاوي
والشاعر الكبير حبيب العازمي في قاعة الملكه بالحويه الجلاوي قالو ان العازمي من نجد تكى فالحويه والحويه شيء ثاني وابن عاصي شيء ثاني ياحبيب ياحبيب لو توافيك المنيه وش يصير في فيضة المسلح وسكان المحاني حبيب العازمي الحجاز اديارنا على عصور الجاهليه وانت وش جابك هنا ونت مرابيك احلباني الديار بخير يارجال والعزوه قويه لو اغيب يسد في الميقاف واحد من خواني الجلاوي مثل ماقالو رجال العرف والنيه مطيه انت يمكن مانشوفك غير في عيد ارمضاني مانقول اقصور في العزوه رجال الحميه مايصيب اقصور ياحبيب طويلين اليماني حبيب العازمي انت رجال هواوي والهواء شدد طميه رحلتك شهرين مابين الجدي وسهيل اليماني الرصاص اللي تشيله في حزام البندقيه لاتفرط فيه جاك الخوف من بطن الاماني الجلاوي انت عينت الدجيما مات من فرقا خويه من يلومه ياحبيب في هواء جال الثماني لا تفكر قي الدخيله وانت عندك معنويه مار فكر في الخواتم ياحبيب والحساني حبيب العازمي الدجيما مات والذمه من قيس الصابريه وانت لو تموت مثله ندفنك يم اذهلاني والله انه مايدخن عودا والنار حيه احسبوها بالدقايق واحسبوها بالثواني الجلاوي انت لو تموت ماندفنك في نجد العذيه بدفنك في المهد كان الله على دفنك حداني البقيلي فيك لد العين وافطن للبقيه افطن افطن لايجي المشعاب من بين الاذاني حبيب العازمي في ديار مطير حمران النواظر ماعليه لو يجي واحد من عتيبه ونا ميت لقاني البقيلي نظرته فيكم تراء ماهي بفيه ولا انا معطيه علم زين من هاك الزماني الجلاوي لازم نجيب امر من نايف وزير الداخليه انت يمكن تقوم من القبر كله عشاني البقيلي لد فيه العين وعطيته هديه والهديه خلته محني سوات الخيزراني حبيب العازمي يمكن ان الامر ضدك ياسفير العنصريه ثم انا وش عاد عذري من عتيبي نخاني انت ويا صقر حق وقدر تعطوني تحيه ابك انا اللي يطرح الخيال من ظهر الحصاني الجلاوي كان جات للعنصريه ياحبيب ماعليه حط راسك في ضلال العصر والساني حصاني ان صرفنالك تحيه ياحبيب مقدريه لا تفكر عشرا ياصاحبي ترجع ثماني حبيب العازمي خابر انك ماتجيب الا مطمه عالميه مار سندها على قمة جبل والعمر فاني |
الله الله
صح السنتهم جمييعهم مبدعين بلا شك شكرا لك على النقل |
محاورة جميلة وسلطان مستواه قد تحسن ولكن لازال يكرر اسم خصمه كثيرا في بيوته وهذا توظيف سلبي جدا في الابيات
ففي هذا الطاروق فقط كرر اسم حبيب 7 مرات |
طاروق رائع جدا صح لسان ابو صاهد ولسان ابو فيصل |
يمكن ان الامر ضدك ياسفير العنصريه
ثم انا وش عاد عذري من عتيبي نخاني حبيب شاعر قوي واخر رد ه بين حالة الجلاوي وصفه خابر انك ماتجيب الا مطمه عالميه مار سندها على قمة جبل والعمر فاني صح السانك يالعازمي وانشهدن مابك حيله الجلاوي اشوفه مغير من اسلوبه التهجمي للقبايل الاخرى لانه مايستفيد غير بغض وكراهيه من القبايل الأخرى الله يطول بعمر حبيب على الطاعه ومدري كيف الساحه من عقبه |
محاوره في قمة الابداع
من شعراء عتيبه الذين اثبتو تواجدهم بجداره ولاهان من وردها |
طاروق رائع تشكر على نقله
|
يا الربع حبيب ... قنبله موقوته
تخاف منه .. طول الملعبه .. ما تدري متى ينفجر عسى الله يطول عمره و سلطان الجلاوي .. تغيّر مساره .. و صار يهتم بالمعاني و الرمزيه صحة ألسنتهم لا هنت يا الذيب على المحاوره |
بيض الله وجهك يا العنادي
على نقل المحاوره الجلاوي كان جات للعنصريه ياحبيب ماعليه حط راسك في ضلال العصر والساني حصاني ان صرفنالك تحيه ياحبيب مقدريه لا تفكر عشرا ياصاحبي ترجع ثماني حبيب العازمي خابر انك ماتجيب الا مطمه عالميه مار سندها على قمة جبل والعمر فاني يهيب يا حبيب ما يفوت شيء |
اشكر كل من رد على الموضوع
وصحيح كلامك يافيصل الجهني الجلاوي غير نهجه وسار يهتم بالمعاني بعيد عن التعصبات القبليه حضرت له ثمان حفلات الصيفيه ذي ورغم الاستفزازات اللي تجيه من الشعراء لاكن اشوفه يبتعد ولا يرد نفس اسلوبهم ويركز على المعاني |
| الساعة الآن »09:36 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd