ياصاحبي زاهي تعلمنا من الدنيا وفادتنا العلوم =والرجل ما يصعب عليه العلم لامنه نواه
الناس لايمكن تشابه بالطبايع والسلوم= الله فرقهم مثل فرق المسلمين عن الطغاه
ناسٍ لها وجهة نظر وانظارها فيها ثلوم=وناسٍ على نهجٍ غريب ونهجها فيه اشتباه
وناسٍ على الطرق السليم وحظها دايم يقوم=جعل الله المعبود ثبتهم على طوق النجاه
اقوله والدايم الله ماحدٍ غيره يدوم= الله ولي الكون لايمكن حدٍ غيره ولاه
فكرة بالدنيا واثرها ماتهم الا الرخوم= يسعون فيها مير ماحدٍ نال منها مبتغاه
الحمد لله خالقي في كل ليل وكل يوم=الشكر له والحمد له وحده ولا نشكر سواه
والمسعد اللي تاجده دايم على الطاعه عزوم=وانته ماتهدي من تشا والله يهدي من يشاه
والحظ يلعب دور لامنه على العليا يزوم= لكن لامنه برك ماظنتي تلقا دواه

المشاركة الأصلية كتبت بواسطة راعي الزرقا (المشاركة 1199879) صح لسانك ياشاعرنا القدير/محمدالذيابي جزله وانت اجزل منها يا السنافي لاخلاولاعدم (وفاتتنا)؟ تحياتي