الهيـــــــــــــلا *** منتدى قبيلة عتيبة
صفحة 1 من 4 1 23 الأخيرة »
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   وصل العطياني وحبيب العازمي للابداع الشعري عنوان !!! (http://www.otaibah.net/m/showthread.php?t=127923)

ابو فايح 09-Jul-2011 09:32 PM
وصل العطياني وحبيب العازمي للابداع الشعري عنوان !!!
 
في محاوره أعتبرها الأفضل إلى الأن جمعت حبيب العازمي ووصل العطياني وزيد العضيله الأسبوع الماضي


إخترت لكم هذا الطاروق بين حبيب والعطياني

طاروق من يفهم الشعر لن يفوت عليه إلتقاط الرمزيه فيه الخاليه من التعقيد والتكلف وكذلك لن يفوت عليه بعض الحركات الشعريه في نهاية الطاروق

ابو فيصل مبدع أينما حل ّ وابو مشهور يوم عن يوم يزداد شراسه وقوه وتدفق شعري .






حبيب العازمي

على وصل العطياني يلوح البرق في جده = وجده لا غرابه في كوارثها الطبيعيه
ومن باب الطبيعي لو يسيل السيل ما رده= ولو رده يبا ينهار ثم تنهار الارضيه



وصل العطياني

أنا أبشرك ما جانا خطر لو طالت المده = ولا يشتالنا ألا سيل (ن) يقش السعوديه
تقول الناس وادي فاطمه ما ينكسر سده = ولو إن المخايل كل صبح وكل عصريه





حبيب العازمي
تبشرنا ما يأصلك الخطر وأنته على حده = وبقعا ما تجيك ألا بالأقمار الصناعيه
أعرفك إنك لبست الثوب وأنته يا وصل قده = لكن الثوب ما يصلح بلا غتره وطاقيه



وصل العطياني
ليا طالت ظروف الوقت عنكم مالها صده = لكن أوعدك لو تموت لأكتب فيك مرثيه
ترى لومك على اللي ما ورثها ورث من جده = وأنا من فضل ربي مالبست الثوب عاريه





حبيب العازمي

وأنا لن مات قبلي وصل أبا أسلم على خده = وأقول الله يسامح وصل شاعرنا وشخصيه
أشوف قصور مبنيه وأشوف قصور منهده =..........................................



وصل العطياني

وألا يالربع أشوف العازمي وده ولا وده = عسى يومنك تسلم عليه مصفي النيه
على وضح النقا لا ترجع الهجمات مرتده = ترى حول الحدود رعية(ن) ماهي بمرعيه





حبيب العازمي

ما دام إن الدعاوي عودت يالربع فالبده = تراها في شوارب وصل مربوعه ومثنيه
أبا أمد لك حبل المعرفه والأرض ممتده = ولكنك تجود فالحبل ليه وراء ليه



وصل العطياني
بعد مديت علم الطيب ما يمداك ترده = أبا أجازيك بالحسنه وأبا أجازيك بالسيه

تركي الصفياني 09-Jul-2011 09:55 PM
يالله على الابداع
بالفعل للابداع الشعري عنوان
صح السنتهم

شكرا لك يابو فايح
وبيض الله وجهك
ويشرفني اني اول من رد على موضوعك

أبرق المحزم 09-Jul-2011 10:14 PM
حبيب العازمي شاعر علم ما فيها كلام

وصل العطياني قادم بقوة
وأصبح بكل أمانة يعطي لأي محاورة يحضرها
نكهة خاصة فيه لوحده

مشكور يا أبو فايح على نقل المحاورة

وليف الطير 09-Jul-2011 10:39 PM
وصل قاااااااااااااااااااادم وبقووووووه

صح لسانه ولسان ابو فيصل

فهد العازمي العتيبي 10-Jul-2011 12:08 AM
..


صحت السنتهم

ولاهنت اخوي راجح على النقل ،،،

فهد علي العازمي 10-Jul-2011 12:13 AM
صحت السنتهم

شعار وينومسون

فهد الزهراني 10-Jul-2011 02:13 AM
مثلما ذكرت واضحة المعالم

وابداع لا يجارى من الشاعرين

وصل ليس قادم بل على اسمه وصل من زمان لم يعرف الشعر نثرا ومحاورة

وابوفيصل محيط لا تزحزحه السفن ولا تنقصه السنين والايام

شكرا لك يابوفايح انت محور الابداع هنا

محمد العتيبي 10-Jul-2011 02:46 AM
وصل العطياني


شاعر اثبت وجوده وفرض نفسه ..


الله يوفقه
..

الجوراسي 10-Jul-2011 02:52 AM
صحت السنتهم شعار كبار

حبيب العصيمي 10-Jul-2011 03:06 AM
شعراء غير عن كل الشعراء..

ابوفايح الله لايهينك ..

ذائقه تستحق الأعجاب..


الساعة الآن »10:01 AM.
صفحة 1 من 4 1 23 الأخيرة »
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd