على بحر جده وموجه وشاطيه = ودعت أنا المحبوب ماأبغى وداعه
حل الوداع وفارق سعود غاليه =يقطـعك يادنـيا الـفـنا والقـطـاعــه
جلس يهل الـدمـع والهم يكويـه =وأنـا دمــوعـي بـللـت لـه ذراعــه
قال العهد ياسعود ماني بناسيه= في ذمـتي لاشـغـلك في كل سـاعـه
قلت الذي بالقلب يازين يكفـيه =لا لاتـهـل الـدمــع مـابـي مـنـاعــه
لاهل دمعك هل دمعي يجـاريـه =أرجــوك قـلـبـي لاتـزيـد التـياعـه
أنت الحبيب اللي ليا حل طاريه = فــزيـت كـني جاهـلن فيـه راعــه
وأنت الوحيد اللي من الناس شاريه= لوشرهـوا الاصحاب ولا الجماعه
لاجـا الغـلا ماعـاد فيها مـشاريـه =حـبن مـن الله مـابـدعـته ابـداعــه
وأقفى يكفكف دمعة الحزن بيديه = حـبن حقـيقـي مـاتـقـطـع شـراعــه

المشاركة الأصلية كتبت بواسطة بن رفااع (المشاركة 1198385) صح لسانكـــ

المشاركة الأصلية كتبت بواسطة سعد بن مطلق المقاطي (المشاركة 1198422) وأقفـى يكفكـف دمعـة الـحـزن بيـديـه هههههههههههههه صح لسانك ابداع

المشاركة الأصلية كتبت بواسطة فهد العازمي العتيبي (المشاركة 1198424) .. صح لسانك ولاهنت ،،،

المشاركة الأصلية كتبت بواسطة ضاوي الشيباني (المشاركة 1199060) الله الله صح لسسسانك ولاهنت وبيض الله وجهك على الجزاله يابن عمي