ياهل الرياض اللي بلدكم وصلناه =أن كان فيكم من يعرف المباني
ياقف لمطلوبي على كل رجلاه=ويضمن لي الطرقة وياخذ ضماني
اللي يسوي في معروف بجزاه=ولاني بناسي فضله اللي كساني
انا غريب وديرتي ظلم وحجاه= بالله عليكم وين قصر التهاني
انتم عليكم قولو القصر هذاه =وانا علي اجيب للي دعاني
زواج طارق موعده كيف بنساه= وانا ماعده غير حسبة خواني
الصاحب اللي ماتعدد مزاياه =راعي العلوم الطيبات الحساني
ان قلت قرم وتكسب الطيب يمناه=قالو طبيعي في طويل اليماني
وان قلت يقبل والكرم في محياه=قالو طبيعي في عريب المجاني
وان قلت في عال السما شاد مبناه =قالو طبيعي في سهيل اليماني
قلت أحسن اخلي علومي مغطاه=مالي ومال اللي يعجز لساني
جده وابوه الللي على الطيب رباه=ماني بمحصٍ سيرته في ثواني
وربعه هل الميقاف والوجه والجاه=في نجد ولا في ربوع المحاني
عضيان اهل حدب السيوف المحناه=روس الرجال مزبنة كل جاني
لاجاء نهار غيمة الموت تبراه =برقه سيوف ورعده الجبخاني
فرسان خيل وقاسية حيل ورماه=يثنون دون القود شرف الاذاني
مع درب منهو يفزع الترك طرياه=لاسمعو اسم الضيط جاهم جناني
الاسم وافي والخصايل موفاه=والفعل ثابت من قديم الزماني
شوخ على كل المشايخ مبداه= تارد على الهيه عيانٍ بياني
يشهد لهم عمهوج يوم الملاقاه=ويشهد لهم في نجد قاصي وداني

المشاركة الأصلية كتبت بواسطة سلطان ابن حامد (المشاركة 1198244) الأول أنا هنا وراجع لك يا مبدع

المشاركة الأصلية كتبت بواسطة أخو جوزا (المشاركة 1198245) وانت سالم وغانم وصح لسانك يابوعيد وكفو الاد عاضى ويستاهل طارق

عضيان اهل حدب السيوف المحناه =روس الرجال مزبنة كـل جانـي
لاجاء نهار غيمة المـوت تبـراه = برقه سيوف ورعـده الجبخانـي
فرسان خيل وقاسية حيل ورمـاه = يثنون دون القود شرف الاذانـي
مع درب منهو يفزع الترك طرياه = لاسمعو اسم الضيط جاهم جنانـي

المشاركة الأصلية كتبت بواسطة ذيب الجوخ (المشاركة 1198246) صــــح لأســــانك قصيده جـــــــزله ياحاكم الغنامي وأنت رأعي الجزاله .دمت بخير وعافيه دايما.