يوم شفت إعلان الـ (mbc) فرحت ابـ قوه={حقق أحلامك مع ام بي سي فقط...برساله}
قلت همي..زاح عني بإذن ربي نوه=والفرج قرب..ومن يصبر مراده ناله
جيبو الجوال..زال الوقت..صافي جوه=بأرسل ارساله عسا حلمي يطّيب فاله!!
حلمي..إن اللي غلاه اشعل بـ قلبي ضوه=وامتلكني بالجمال اللي رجح.. معداله
الوليف اللي كمل وصفه وعمره توه=عد وغلط في جمال(ن) يمتلكه..الحاله
صورته منها المرايه لاتمرى اتموه!!=كلها غيره.. ولاتنلام في اية حاله,,
إنه..ابحنبي يعيش..ويلتزم بالخوه=مايفرقنا الزمان وحيلة..الحياله..
وأتضح بإن الشقاء به .. مع عناد مروه =والصبر طاله..وشفه فالزمن ماطاله
قصدهم (حلم)..الريال بكثرته..أو شوه=مادرو في (حلمي)اللي كايدٍ فنجاله

المشاركة الأصلية كتبت بواسطة فهيد الرويس (المشاركة 1196715) الله يحقق حلمك ياعناد وخيرها بغيرها وصح لسانك تحيتي وتقديري

المشاركة الأصلية كتبت بواسطة عمر الدغيلبي (المشاركة 1197086) قــصــدهـــم (حـلــم)..الــريــال بــكــثــرتــه..أو شــــــــوه مـــــــادرو فـــــــي (حـلـمـي)الــلــي كـــايــــدٍ فــنــجــالــه الله يحقق حلمك و مرادك يا عناد :) وصح لسانك يالذيب استمتعت بالقراءة هنا

المشاركة الأصلية كتبت بواسطة عزارم (المشاركة 1197118) صح لسانكـ يابن مشيب ياعسى عمركـ طويل ويتحقق حلمك باسرع وقت واقرب ساااااعه لاهنت تقبل تحياتي ياطيب