البارحه يـوم أكـثر عـتيبـه رقود=كن الـفضـا مـافيه غيري عتيبي
أوهـام فـكري شكلت ضدي حشود=وانخـا طيوف عيال عمي غريبي
ثـم ثـورّو ضـد الـوساويس بارود=وأخذت حقي من قساوة طليبي
لاني مقاطي ولا احتمت ربعي فرود=بـعزومنا نـدعس سبال الـحريبي
وطبعي مضريها على سهود ومهود=قـانع ومومن بالقدر وش يجيبي
مقرود أنا مـن بدت الناس مقرود=يالله سترك مـن رداة الـنصيبي
كنّي مقابل ليّ طوابير وجنود=ولا حنني جـنـدي نـهـاه الـرقـيبي
لاانعست ثـوّر وافزع عيوني السود=امن السهر ذبـلى بــمـوقف عصيبي
بعض الرجال اشناب ولا منها فـود=يـنـفـع بـعـيـد ولا يـسـر الـقـريـبـي
وأنا أحمد الله صاحبي منبع الـجود=ما انساه لـو يـضـفـي علي المشيبي
لآ قـلـت أبـي !!؟؟ قـال (آحـمر العين زيّود)=ولبّا لـي الـمـطلوب لـو هو صعيـبـي