محمد السناني ومصلح بن عياد + مطلوب محللين للمحاوره ..!!
 

مساكم الله بالخير يا اعضاء منتدى الهيلا


محاوره .. حصلت في احتفال قبيلة جهينه بقدوم الملك عبدالله الى الوطن



اعدتها اكثر من مره وماش ما قدرت اجيب معناها


نوب اقول .. سياسي .. و نوب اقول عن حدى الشعار


هذي المحاوره و اتمنى ارى تحليلاتكم



محمد السناني
مرحبا بإسم شيخن له وجاهه و جاه ... اكتسبها بما يفعل و يصدر منه
يصدع اسمه و يتناقل بكل اتجاه ... ورث الطيب لأحفاده و ساق ثمنه

مصلح بن عياد
البقى يا الرجال الطيبين الدهاه ... جودكم ينوجد في يوم ولا سنه
بن رويشد يمد الوافيه من يداه ... ان عطى الميسره ولا عطى الميمنه

محمد السناني
استفدنا و اخذنا من دروس الحياه ... نسمع ان الرعد مقبل وله دندنه
وانت في ذي و هذي ما يبيلك وصاه ... و استلام الخفاره ناشدينك عنه

مصلح بن عياد
يا هل الدرس مدري درسكم وش وراه ... والله انا ما نبغى منه غير أحسنه
لا تحطون في درب المسافر حصاه ... ارحموا واحدن ضيم الدهر جننه

محمد السناني
ما عطيناه درس اقل من مستواه ... مير لا تكتب السيه بقدر إحسنه
ادري انك تصفق له وتطلب رضاه ... يمكن انك تجيب له الجمل برسنه

مصلح بن عياد
لا تشيلون واحد من جبال السراه ... والجبل ما يشيله غير من مكنه
بعض الاصحاب وجهه مثل وجه الصفاه ... معدني يا محمد غير عن معدنه

محمد السناني
لن نويناه قلنا فقر ولا غناه .. اعرف ان النتيجه ممكنه ممكنه
ابن عياد ما يمكن يذم اخوياه ... وش يفكه من الاقلام و الالسنه

مصلح بن عياد
عندنا يا طويل العمر سترة نجاه ... ما علينا من الايام و الازمنه
جاكم البرد ياللي تلبسون العباه ... حبكم جاه طحانن يبا يطحنه

محمد السناني
الله اكبر لو ان المزن ينهل ماه ... كم عرينن يبا سيل الجبل يدفنه
يظهر انك وقعت بموقع الاشتباه ... قبل نرسم بنود الهدنه المعلنه

مصلح بن عياد
الله اكبر ليا دن الرعد في سماه ... يلعن ابليس واحد كان ما يلعنه
اسمع العلم والطيب لا تبحث خفاه ... لأستوت طعنة الخيال لا تطعنه

يعطيك العافية يابو فهد.


خلنا ننتظر المبدع سلطان البقمي من غير قصور بالباقين

هذه بيوت المعنى



محمد السناني
استفدنا و اخذنا من دروس الحياه ... نسمع ان الرعد مقبل وله دندنه
وانت في ذي و هذي ما يبيلك وصاه ... و استلام الخفاره ناشدينك عنه(الرعد مقبل يقصد شاعر مقبل على الساحه. يقول خلك خفير لا يمر من عندك بمعنى حاربه وهذه طريقه ماهي زينه)

مصلح بن عياد
يا هل الدرس مدري درسكم وش وراه ... والله انا ما نبغى منه غير أحسنه
لا تحطون في درب المسافر حصاه ... ارحموا واحدن ضيم الدهر جننه(يقول لاتقطع رزق المسلم خله يعيش لا تحسده)



هذا هو صلب المعنى يقصد شاعر مبتدي وقوي و ممكن موجود معهم في نفس الحفل



والله اعلم مافيه تفسير اخر

طيب وباقي ابيات المحاوره ماترمز لشي ؟



حللها




فيصل الجهني من اللي متواجد معهم فالحفله ؟

هههههههههههههههههه




ياماجد هذا صلب المعنى الباقي محور نقاشه ماني فاضي اقعد اكتب



شرحت الخلاصه ونتهى الغرض من الطاروق كله

الله يعافيك يا برق


ولا هنت على مرورك

والله اني هقيت انه عن حدى الشعار .


و تحليلك مقنع .. و جبت الزبده


لا هنت يا البقمي

محمد السناني و مصلح و سفر و شاهر


و ما ادري اذا كان فيه غيرهم


لا هنت يا العصيمي على مرورك

لا هنت يا ابو فايح


و انا زي ما قلت انها عن حدى الشعار


و يمكن انها عن العلاوه ..


تحليل جميل يا ابو فايح