ياذئب ياللي كل ما جريت صوتك بالعويل =تجافت جنوبي وراح النوم واجفا مرقدي
انهض على صوتك واسج الرجل لو بنصف ليل = اسري معك مسرى يهول بالظلام السرمدي
نحث بخطانا سوا في قارعة درب(ن) طويل =بي تستدل وانا استدل بسهيل والا بالجدي
ناطا على رؤس الحيايا بالقدم والله وكيل = انته تعين مقصدك وانا اتعين مقصدي
ياذئب انا واياك ما نشحد عشانا مستحيل = اموت وانت اتموت قبل امد للشحده يدي
رزقي ورزقك نطلبه من واحد(ن) ماهو بخيل = اقدم معي خل التردد للضعيف والردي
لاشك هقوتنا كبيره والخطر ماهو قليل =نقرب من سهوم المنايا والسلامه تبعدي
الله يبيض وجه رجل(ن) غايته كسب الجميل = والله يسود وجه رجل(ن) عن لزومه يحتدي
عضام سيقانه لجسمه بالنوايب ماتشيل = واذا زهمته بالعوافي جاك من صبح يعدي
ماحقه الا تقسمه نصفين بالسيف الصقيل = حتى تحطه عبره لمن هو بمثله يقتدي
اما وقفت بوقفة(ن) يشهد بها مع كل جيل = فضلت عن عيش الرخامه مستقري بلحدي
مادامت الدنيا لاحد وانا بها عابر سبيل = لابو حياتي كان ما للطيب كرست جهدي
الرجل يخلق للصعاب وشيلة الحمل الثقيل = ما سلت سيوف القتال الا للطم المعتدي
لو شلة الحقد المقيت ابدتلي الود الضئيل = ما اوليتها جل اهتمام ولا اعتبرها مسندي
لو استغلوا بي مكارم من لدن فارس نبيل = مايخذل اللي يطلبه من مدة الكف الندي
عفوي عن اللي في غيابي رددوا قال وقيل = تحاشي السامي عن السقطه بعين الاجودي
وانا ادري ان اللي خلافي بالحكي تصهل صهيل= لاجيتهم كل(ن) يحلف انك تجي في مقعدي
واطالع بنظرة تعجب بالزمان ومستيل= واقول لاجيناك ياروس الشياطين اهجدي
مازلت انا موجود انا بما تحيكونه كفيل = وان مت يمكن تطول الاقزام بالارض بعدي

المشاركة الأصلية كتبت بواسطة راعي الزرقا (المشاركة 1195470) حياك الله ياخوي عثمان صح لسانك والقصيده جزله وتحتاج اعادة نظرفي بعض بيوتهامن حيث القافيه فقط خصوصا.البيت الاخير(ونمت يمكن تطول الاقزام في الارض بعدي) خل بوزن القافيه دون المعنى فضلا عن بعض الغلطات المطبعيه في مثل (ماشحد والشحده) في البيت الخامس وصح لسانك مجددا تحياتي

المشاركة الأصلية كتبت بواسطة عثمان الثبيتي (المشاركة 1195474) اخوي راع الزرقا بالنسبه اللاخطاء الاملائيه والمطبعيه وارده في كل نص واشكرك على هذه الملاحظه اما بالنسبه للقافيه والوزن فانا لا اوافقك الراي مع كل الاحترام والتقدير

المشاركة الأصلية كتبت بواسطة راعي الزرقا (المشاركة 1195489) اشكرك بعنف على عدم الموافقه وآسف على المداخله حتى البيت(مازلت انا موجود انا بماتحيكونه كفيل=ونمت يمكن تطول الاقزام في الارض بعدي)مهب مكسور؟لحنه وخل غيرك يغينه الك أيذاءقدر..فكلامي كله خطى..ويمكن خطى وليه لا.ويكن كلامك صح واحترامك على راسي ومشكور على ايات حال وتقبل تحياتي