الهيـــــــــــــلا *** منتدى قبيلة عتيبة - قصــيده محمــد ابــوخشـــيم

هـــــــذه القــصيـده اهـــداء من الشاعر (مســـاعد سعود المرشـــــدي) الى رىــيس
مركز كبشان وشيخ قبيله المراشده (محمد سلطان ابوخشيم) (حفـــظه الله ورعـــاه)

القصيد الجزل فالطيب تزين طــروقـــه *** والمــدايح بابـــها ماينـــــــقـــفل مزلاجـــه

لابغيت امدح بشيخن من شيوخ الروقه *** يستحق المدح لين انـــه يلـــــبــــس تاجـه

الامير ابوخشــــيم الي تـخلى طروقـه *** نـاهجـن منهاج مـحدن ناهـــــجن منـــهاجه

راس مرشد كلبوها ماش راســن فوقه *** من قديم الوقت شيخـن ماينطفي سراجه

من قديم الوقت شيخ وشيخته مرموقه *** فـي ضلام الليل مثــل الشـمعه الوهــاجه

لابغـيت احصي فعــــوله بينات فــــروقه *** دايجن في جو طيـــب محد قبــــــله داجـه

كان ابه هداج تيما سيرتـه مطـــــــروقه *** اذكـــرو كبشــــــــــان ومحمد هذا هداجه

فاتحن بوابته ماشفـــــــتها مغــــــــلوقه *** الكرم والجود ساسه مــا يبخـل هجـااجـه

لضيوف ولطراقي مــرحـبا منطــوقــــــه *** لالفاه الضـــــــــــيف رحب مايعقد حجاجه

قاسين مثل الجبل لاصـار دون حــــثوقه *** وللرفـــيق اليــن من الحـريـــــر مع ديباجه

ذخـرنا وقـت الشدايـدجعل مابـــه عـوقه *** دام بــــيته مــــزبــن لـلعــالم المــــحتاجه

والله اني يـوم جيــت ولكمـتـي مخنوقه *** ماحـــــــداني يــــم ابو نواف غير الحاجه

لاضمدت الجرح جاله ما يـزيـد فـــتوقـــه *** ياعســـاني عندك الــقى يا الامير علاجه

الذهب ماينعرف فـي سوقاًماهو سوقه *** ومن جهل مدخـــــاله ماعرف مخــراجــــه

ومن يبا يعارض جعــل لحيــته محلوقـــه *** ماعــــــــلاه من الحسود وهرج الهــرااجه

القصيد الجزل فـي محـمد تـزين طروقه *** والمـدايح بــــــابها مــــاينـــقــفل مزلاجــه

لابــغيت امدح بشيخن من شيوخ الروقه *** يستحـــتق المـــدح لـين انـه يلبـــس تـاجه

الشـــــااعر(مســـــــاااعد بـن سعـــود المرشـــدي)
مـع تحيــاتي مراسلــكم ((نــاصر بــن محمد بـن سلطـان ابوخــشيم)