بعض قصيدي يا عبدآلله ماهوب للنشر = لاكن هذي جزمت أنشر لك أحروفها
عساك تقدر عليها سلم ولا قشر = دور على حلها ياصاحبي وأوفها
تكفى يابن عون ماهيب زور ولا فشر = شرواك يتعب على النخوة ومعروفها
متى على الله تصير الساعة إحدى عشر = إحدى عشر والظروف توافق أظروفها
ياحلو طلت حلآها بين كل البشر = ان جيت أوصف حلآها ما كثر أوصوفها
بنتٍ حشرني غلاها يا ابونايف حشر = يا كثر ماحبها وتعب على شوفها
عشر المشاعر ليا غابت ماتبقى عشر = العشر ترجع ثمان وشوقي إيلوفها
غيابها شر لا والله ماهوب شر أشر = والموت لا شفت لبتها وسرجوفها
في قلب عشاقها ما عاد معها خشر = مشاعره من غلآها ذابت ابلوفها
والوقت عيا يجيلي على ما نشر = والنفس حاولت أعوف وعيت تعوفها
عساك تقدر عليها طيب ولا قشر = دور على حلها ياصاحبي وأوفها

المشاركة الأصلية كتبت بواسطة فيصل المسعودي (المشاركة 1194415) صح الله لسانك طلال ناشي وسيتطيع حلها بإذن الله أبو نايف كل الود والتقدير لك تحياتي

المشاركة الأصلية كتبت بواسطة مرزوق حمدان العتيبي (المشاركة 1194417) . .. صح الله لسانكــ يابو رغد .. وقد اسندت على علم من اعلام الشعر النبطي ...