يالله اني دخيلك من قسـاوة زمانـي=ويالله اني دخيلك من دروباً عسيـره
ماكبر الهم لامنه من الزيـن جانـي=هماً اقشر مكني غيره اليـوم حيـره
من سبايب عيونه ذقت مر وسقانـي=وادري ان المحبه كلبوهـا مريـره
مير مدري شسوي ساكناً في كيانـي=اذكره واتحرالـه ولاجيـت غيـره
ماطلبت المحبه من حنانـه عطانـي=وكل حاجه عسيره لاجل عينه يسيره
ماذكر انه بحبـه فالمحبـه كوانـي=وافياً حبه اللي نابعاً مـن ضميـره
مشكلتنـا بوقتـاً بالعطايـا انـانـي=فيه هرج الاوادم والـدوادي كثيـره
ماجمعني بخلي لا ولاهـو حمانـي=من عيون الحسد ماهو يبيلي ستيـره
شاف ضعفي وركز زين بعده رماني=وزاد جرحي وجرحي اي شياً يثيره
مير خذها لعانه صاحبـي مانسانـي=والمحبـه بقلبـي يازمانـي كبيـره
حبي اصفى من الصافي واذيعه بياني=والحمل مثل ماقالو بركلـه بعيـره
ماشياً في طريق العز مامشي هواني=والعدو مايجيه الا السيوف الشطيـره
هذا قولي وقلته يوم وقتـي حدانـي=جعل فالامر خير وجعل فالامر خيره

وسلامتكم,,


مساعد العضياني..