بنت الوطن فخر الوطن يالصعاليك= ماهي لكم هي للطهر والشهامه
ماهي لكم مغنم ولاهي كما ذيك = اللي على وجه المجله علامه
هي حرةٍ تقدر تبيعك وتشريك = بنت القرو م أهل الوفاء والزعامه
ربت على منهج يعز المما ليك= وعاشت بحظن أهل العقل والعمامه
يامدعيها زور ضاعت هقاويك = وخسرت في الدنيا ويوم القيامه
دره مصونه ماتصلها أياديك = من دونها تكسر سيوفٍ وهامه
حفيدة الشجعان ماهم شراويك= ياللي تبيها تجر عار وندامه
عساك تفداها وهي لا ما تفديك = ياللي تبي تبدّل غطاها لثامه

المشاركة الأصلية كتبت بواسطة محمد ابن رووق (المشاركة 1193213) صح لسانك وبيض الله وجهك على غيرتك تجاه بنات المسلمين

المشاركة الأصلية كتبت بواسطة أحمد فهد العضياني (المشاركة 1193385) صح لسانك طال عمرك والله لا يهينك قصيدة جزله من شاعر جزله