يامرحبا من خاطرٍ صافي كما لون الحليب=في منتدى الهيلا وانا ماني بضيفٍ عندها
الليله الليله سعد يارد على جم القليب=ويعود ظامي ماشرب يا للعجب من عدها

دام البقا دام البقا من هاجس كله رهيب=في منتدى الهيلا وانا وياك زندي زندها
نارد ولانهاب والدعوى على وجه الحريب=لكن شد الحيل ثم عد المعاني عدها

المشاركة الأصلية كتبت بواسطة سعد الرويس العتيبي (المشاركة 1192235) دام البقا دام البقا من هاجس كله رهيب=في منتدى الهيلا وانا وياك زندي زندها نارد ولانهاب والدعوى على وجه الحريب=لكن شد الحيل ثم عد المعاني عدها

اقولها ياصاحبي مير الاشارة للبيب=وانته فطين لها وشايف وسمها في خدها
واحد لواحد والهدف واحد ولا فيها غليب=والناس في ذا الوقت ماعرف مزحها من جدها

بعض العرب ياصاحبي مابين شك وبين ريب=وانته تعرف الاوله والثانيه من ردها
يشوش راسي كل ماشفت التكاتف والمجيب=مالي ومال القوم يومني بكسب ودها

المشاركة الأصلية كتبت بواسطة فهد الشهيب الثبيتي (المشاركة 1192223) صح لسانك يامحمد وصح لسان ابن مروّح مقدماا

المشاركة الأصلية كتبت بواسطة سعد الرويس العتيبي (المشاركة 1192245) بعض العرب ياصاحبي مابين شك وبين ريب=وانته تعرف الاوله والثانيه من ردها يشوش راسي كل ماشفت التكاتف والمجيب=مالي ومال القوم يومني بكسب ودها

المشكله فالعله اللي عاجزٍ عنها الطبيب=الظلم لن ناش الجبال النايفات يهدها
الله يبيح العود راح ولاذخر شيٍ معيب=وانا اعرف انه لن نوى كل اللوازم سدها

ان غردت فوق الجبل وان غردت وسط الشعيب=ماغيرت هندامها وقرونها اللي تكدها
ابشرك ياصاحبي مايذخر الطيب يطيب=صبرك عليه وتعجبك بيض السيوف وحدها

الليله الليله سعد يارد على جم القليب=ويعود ظامي ماشرب يا للعجب من عدها