ما كل من يمشي عيونه تقديه =كم مبصرٍ يمشي مع الدرب تايه
يتبع ميول النفس وابليس مغويه =متوسلٍ بالكذب من شان غايه
ولو كل راعي كذب تمشي حكاويه =كلٍ صنع له بالحكاوي روايه
واللي يقول ويحسب القول يكفيه =قصده يسوي بالمجالس دعايه
لا بد يوم يكشف الوقت ما فيه =ويبين قدم الناس فعله ورايه
وتعكس صعيبات المواقف خوافيه =مثل ما تعكس للوجيه المرايه
اما يحقق بالهدف يوم يرميه =والا بلاش من الهدف والرمايه

للشاعر خليل بن هدلان

المشاركة الأصلية كتبت بواسطة & محمد خالد القحطاني & (المشاركة 1192264) ذا والله الكلام صح لسانه واعتلى شانه شاعر معروف وله قصايد جزلة ومتميزة ولاهنت على النقل