مراسلة شعريه من نوع الغزل بين الذيابي والعضيلة
 

مراسلة شعرية بين كلا من الشاعرين جهيم العتيبي والشاعر زيد بن سلمي المطيري

جهيم العتيبي
كل ما يكشفلي البرق من غـر المـزون***اتذكر واحـد مـا خلصـت لـي نيتـه
واحد عرض عليه وهو يمشـي بهـون***مستحيل أقارن البيض مـع شخصيتـه
ناثر شقر الجدايل على هـاك المتـون***واعذاب المغرم اللـي يصيـر ضحيتـه
والله اني من هواء الزين صابر ومغبون***لو قطع بالوصل مـا نقصـت شعبيتـه
واهني السالي اللي بعيد عـن الحـزون***كـل مـا حصـل مقيـل ينـام بفيتـه
ما كواه البعد والقرب مع هيم البطـون***لين يبطي مـا يحصـل عـلاج لكيتـه
كل شيء يهون غير المفارق ما يهـون***قاله اللي عارف حسنتـه مـن سيتـه
يا نعيم العود خلك علـى قـد الضنـون***الوصل كالسيل يحيي العـروق الميتـه
يا عبير الورد لا فاح من فوق الغصون***ارحم اللي لا بغا الوصل تصعـب جيتـه
انتهت كل الوسايل يـا كـود التليفـون***تنعش الولهـان نغمـات مـن برقيتـه
اخذ الاخبار واهل الحسد مـا يسمعـون***كـل منـا بالـكـلام اخــذ حريـتـه
عقب وقت فات نحضاء بشوفٍ بالعيون***واستمع هرجه بشافيـه عقـب تحيتـه
في عذابي يا دعج العين غيرك ما يمون***دام زولك فـي خيـالي غديـت رعيتـه
صابني ما صاب زيد المطيري من طعون***مشرف للموت عانـه يشيـل اوصيتـه
اسرفوا به عالم لا ولـو مـا يرحمـون***وان سلم ما مات صاب الخلـل عقليتـه

زيد المطيري

كل ما جاءهـم وليـن قلبـي لـه زبـون***كـل لليـل ويـوم مستقـبـلًٍ طرقيـتـه
في هموم وفي شقى والسهر محفي الجفون***صار ملكـي واعنـا اللـي نقـل ملكيتـه
يرقدون الناس وهـل الهواءمـا يرقـدون***والهواء في أهل الهواء بينـه مـا ريتـه
اتصبـر وتجبـر وحـكـم الله يـكـون***ترجمي يا حساس قلـب العنـاء للنحيتـه
يا حمام الورق غنـي بزينـات اللحـون***وانعشيني مـع هـوا ذعذعـة غربيتـه
من تولع بالهـواء مثـل شيـال الديـون***ومثل دومين نقـل خـوف مـن دوميتـه
تـل قلبـي بالغـلا واحـد قلبـه حنـون***والغـلا مـن بيننـاء، حافـض سريتـه
ما يخون الحب لـو كـل عشـاق يخـون***دارس حكمـه ومختـص فـي شرعيتـه
لا نظر يمي رمـوش العيـون يترجمـون***واعرف اللي داخل القلـب مـن نظريتـه
ونعشت قلبي بهمسه وضحكه من السنون***وصرت أنا مجنون ليلـى وهـي جنيتـه
كل ما جابوا مجالـه مـا بيهـم يسكتـون***من غلا في القلب كبر السماء والرضيتـه
وزاد همي شاعر هـز سلـك المكرفـون***ولا نلـوم الروقـي اللـي فقـد روقيتـه
اخذوا قلبـه وراحـوا يبيهـم يرجعـون***ايتـرجـاء واحــد دايــره حوليـتـه
افطروا بك يالذيابـي وراحـوا صايمـون***وصرت مثل اللي يقولـون فيـه وخيتـه
صابكم ما صابنـا وانتـم أول تضحكـون***راح يغلـي مـخ راسـك تحـت طاقيتـه

...
صوت وصدى بين شاعرين غنيين عن التعريف..
لاهنت يابندر..
تحياتي

لا هنت ياخوي بندر المطيري

جهيم وزيد
مبدعان نظماً ومحاورةً

لك تحياااااتي

تحياتي لك يابندر

لاهنت وسلمت يمينك

عنااااد الكبار يظهر في هذه القيدتين

مشكورين على مروركم وردودكم ياشباب

وتبقلوا تحياتي : اخوكم بندر المطيري