الخوف دب بمهجتي يوم فرقاك =والقلب ماله غير طاريك سيره
الله من صبحٍ غزى ليل ذكراك =والله من دمعٍ توقد سعيره
قبل الوداع ارجوك لي مد يمناك =القلب لايضميه صادق هجيره
لوجاعت عيوني مزايا حلاياك=طير السهر يا ما عشقها جزيره
خل السهد لعيون خلك ومنفاك =صدرٍ حمل كل الجروح الكبيره
درب المسافه يشبك خطاه بخطاك =الله يسامح وردٍ اسرف عبيره
هب البراد وهاجس الشعر ينعاك=مثل السحاب اللي نعى كل ديره
معك اغترب حبري على ذيك الابواك=لاكن .. عسى في تالي الامر خيره !
اخر مداي .. الشوق وحدود الافلاك =واقرب مداي .. اهات قلبٍ كثيره
ياصاحبي من بعدها وين بلقاك=العين باتت من سهرها ضريره
لو طال ليلي يالقصيد اتحراك =بكتب دمع وبنكتب فيك حيره
يانجد برد ولا اقدر اشعلك ودفاك=مات السراب ولا وردنا غديره
والشعر شيٍ هزني يوم فرقاك =نبا نموت .! ولا عرفنا مصيره
ياورد ماتقدر تجاوبك الاشواك =كلن يلومه فالمحبه ضميره