استقسار عن قصيدة الكويت للشاعر خلف هذال
 

السلام عليكم ورحمة الله وبركاته
كيف الحال اخواني الكرام
اخوني عندي طلب ياليت اذا احد ممكن يقدر
يلبيه بخصوص قصية خلف هذال اللي بالكويت
اللي منها يقول
اليا متى ماتوضع الحرب الاوزار عن عالم الاسلام سنة وشيعة
المسلمين اخوان والوقت دوار وروس ماتصغي للتفاهم صديعة
اتمنى اللي يعرفها او يحفظ منها شي يضعها لنا هنا
وشكرا

سلام ياسته على ست الاقطار

ومنها شبر بلا جنده للساب ضيعه

اعتقد انه القاه في الامارات

يفيدونك الاعضاء الاكيد انها في الاشرطه لخلف هذال

تحيتي

ســلام يـاسـتـه عـلــى ســـت الاقـطــار
درع الخلـيـج عــن الـعـبـث والخـديـعـه
الفجـر فجـر الـنـور مــن نــور الأقـمـار
والـلـيــل قــمــرا والـمــنــازل رفـيــعــه
فـزتـوا وفـزنـا يـاهـل الـفـضـل والـكــار
وعشتوا وعشنا في حيـاة (ن ) وسيعـه
باسم الفهـد نحكـي علـى ضـوء الأخبـا
رفــي المـؤتـمـر قـبــل الإذاعـــة تـذيـعـه
مـلـيـكـنـا لـلـمـلـكـة رمـــــز واشــعـــار
فــهــد وديــــع الـشـعــب والله وديــعــه
ليث ( ن ) حفـظ سنـة محمـد والأنصـار
مـالـه شريـعـة غـيــر حـكــم الشـريـعـه
يـــذود عـــن يـعــرب ويـهـتـز ويـغــار
وادي يـجـيـب مــــلاه يــوقــف تـلـيـعـه
زعيـمـنـا عظـيـمـنـا وافــــي الأشــبــار
جـاتــه نـوامـيــس الـزعـامــة مـطـيـعـه
حـكـيـمـنـا حـلـيـمـنـا الـنــافــع الــبـــار
عـسـى النـبـي يـــوم القـيـامـة شفـيـعـه
مـوجـهـيـن شـعـوبـنـا كــــل الأنــظـــار
ولـكـم عليـنـا يـــا ذراء الـعــرب بـيـعـه
بيعـة ولاء لاهــل الــولاء ســر وجـهـار
والعـهـد يـولـد فــي رضـيـع ورضـيـعـه
فـي دار زايــد مـكـرم الضـيـف والـجـار
شيخ ( ن ) له أهـداف التضامـن طبيعـه
زايـــد لــنــا مـنـصــى وداره لــنــا دار
وحنـا وراء زايـد حصـون ( ن ) منيعـه
وقابـوس لـه ترحـيـب واجــلال واكـبـار
جــلالــة الـسـلـطـان مـعــتــق مـنـيـعــه
عـاهـل عـمــان ولـــه مـعــزة ومـقــدار
الـلـي حـمـى مــن يـمـة الـشـرق ريـعـه
ونثـنـي لـبـن ثـانـي معـاريـف واقـــرار
عــرفــان والتـعـبـيـر مــــا نستـطـيـعـه
هذا خليفـة فـي قطـر وعـد الوفـاء سـار
خـــزم الـنـفــوس الـنـازيــات اللـكـيـعـه
وعيسـى ولـد سلمـان مشهـور الأذكــار
فـي موطـن أجــداده مــا أخـذهـا ذريـعـه
سـتـر المنـامـة عــن مشـعـبـذ وغـــدار
ومــن قـبــل تـاقــع يحـتـسـب للوقـيـعـه
وجـابـر ذخــر جـابـر مـنـاضـل وجـبــار
رجـلــه عـلــى دوس الأفـاعــي متـيـعـه
صــان الـكـويـت ولا لـلأطـمـاع مـعـبـار
خـلـى الفـتـن لبـلـيـس تـقـعـد وضـيـعـه
واعـلامـنــا حـكـامـنـا الــغــر الأخــيــار
الأصـــل يـاصــل فـــي تـمـيـم وربـيـعـه
فــي حـيـاة شـعـوب فــي كــل مـضـمـار
ومـنـهـم زهـــرة الــعــز وردة ربـيـعــه
فـي ساحـة الأحـداث يـا طيـب الأشــوار
حـضــار مـــا فـيـهـم دخـيــل ونـزيـعــه
تـوحـيـد كلمـتـنـا لـهــا بـعــد واســـرار
والـحــب والجـمـعـة ذهـــاب الـهـزيـعـه
والــدم واحـــد والـعــرب دمـهــم حـــار
والــلــي يـفـتــر دمــنــا مــــا نـطـيـعــه
نبلع خطا المخطـي ولـو صـار مـا صـار
ونـريــعــه لـلــحــق حــتـــى يــريــعــه
والمـاء إليـا حــول ســوا يطـفـي الـنـار
وان صارمتـفـرق قـلـيـل ( ن ) نفـيـعـه
وان مـاوقـف هــذا لـهـذا فــي الأخـطـار
ســوق العـوافـي مـــن شـرابــه يبـيـعـه
وان مـا جمعنـا الشمـل مستنـا الأضـرار
لازم تـــمـــر الــصــبــح ولا تـبــيــعــه
حـثـوا عـلـى الـقـمـة يـالأمــة بـالأفـكـار
الــــراي يـنـفــذ والأوامــــر فـضـيـعــه
واقضوا على التخريب في عش الأوكـار
شـرارة ( ن ) مــن زنــد تلـقـى وليـعـه
ودقـــوا للاسـتـقـرار حـلـقـة ومـسـمـار
عـنـكـم وعـنــا الـســوء يـقـلـع قـلـيـعـه
والحـرص أمـام وخلـف ويميـن ويـسـار
وزعــة ضمـيـر مـــا يـخــون بـوزيـعـه
حتمـاً انشكـل صـف مـن دون الأســوار
بـسـلاحـنـا مــثــل الـسـبــاع المـجـيـعـه
دعــاة سـلـم ولحـسـن الـطـرق نـخـتـار
وشعب ( ن ) يريد يعيش يجمـع جميعـه
مــن نــوم الفتـنـة هــم غــدر الأشــرار
والمنتـبـه مـــا يـرتـبـك فـــي الفجـيـعـه
الـمـال ينـفـذ والخـسـارة فــي الاعـمـار
ونـتـائـج الإهــمــال تـصـبــح شـنـيـعـه
ومـن لا جـزع والا فـزع مـا رجـع ثــار
ونفس ( ن ) تثاري فـي ثراهـا شجيعـه
فـلـيـح جـــو طـيــارة وطـيــار وانـــذار
إنــــذار الإسـتـطــلاع قــبــل الطـلـيـعـه
والبحـريـرسـيـبـه سـفـيـنــه وبـــحـــار
ومدفـع دفاعـي ( ن ) عـن المـاء لميعـه
والــبــر يـعـبـالــه مـــــدرع ومــغـــوار
وشبر ( ن ) بلا جندي للأسبـاب ضيعـه
حزب ( ن ) على الظالم ومنجى للاحرار
مـــن غـيـرنـا يــذكــر ويشكرصـنـيـعـه
وطعم الحروب أقطع وامـر مـن الأمـرار
عــظــام الأطــفــال الـبـريــه رجـيــعــه
إلــى مـتـى مــا تـضـع الـحـرب الأوزار
عــن عـالــم الإســـلام سـنــه وشـيـعـه
والمسلـمـيـن أخــــوان والــوقــت دوار
وروس ( ن ) ما تصغي للتفاهم صديعـه
والـرجـل لــو طـالــت حـيـاتـه لـلأقــدار
حمـل الـدار مغنـى والاسـم مـن ضريعـه
هــذا وانــا حــرس وطــن جـيــت زوار
احـمــل تـحـيـات الـسـعــودي سـريـعــة
ولـــي عـهــد الـفـهـد لـلـمـجـد تــذكــار
مـحـبـتــه مــــــا نـبـتـدعـهــا بــديــعــه
نبصرببصـره عـنـد زوغــات الأبـصـار
بــتــوع بــاتــوع الـضـلــوع الـبـتـيـعـه
لـــه ذروة المـجـلـس وللـخـيـر مـــدرار
ولــه قبـضـة الحـربـة بضـربـة وجيـعـة
وعن الحرس شاركت في نظـم الأشعـار
أحـيــا وامـــوت ولا تـضـيـع الـوديـعــه

نعم القصيده اول ما ذكرت كانت في الامارات وبعدها عادها بعد ان طلبت وقالها في امسية الكويت

http://www.youtube.com/watch?v=6FKxd2UlZkg

هذه من قصيدة قالها الشاعر خلف بن هذال في الامارات عام 1406هـ واعتقد وقتها كان معلومات الشعب عن الشيعة ضعيفة

وفي نفس القصيدة قال خلف هذال في الملك فهد يرحمه الله


أنا ضد ثنائية الأسلام ، الأسلام له نهج معروف في الكتاب وسنة النبي صلى الله عليه وسلم

جزاكم الله خير جميعا اشكر لكم تفاعلكم