محاوره طرب .. عبدالله بن شايق .. ومحمد السناني ..!!
 

محاوره قمه ..



ماهي غريبه على اثنين من اكبر شعار الجزيره




عبدالله بن شايق
مرحبا بضيوف قحطان في حفل قحطان ... عند ربعن يرفع الراس فعل جدودها
يا السناني قوم حياك في هذا المكان ... مملكتنا واسعه لا تعدى حدودها

محمد السناني
البقى بإسمن مسجل على طول الزمان ... ما محى اسمه جور بيض الليال وسودها
الحدود مثبته يوم انا و انت اخوان ... مير زلتك الكبيره لا عاد تعودها

عبدالله بن شايق
ما بقى الا خمسه شهور و يجيك رمضان ... النفوس الصابره لا تبيح سدودها
اضرب الواحد صفر واضرب العشره ثمان ... ورد الضامي عدودن تعل ورودها

محمد السناني
لكل حادث له حديثه و سجل يا بيان ... العرب تبعد عن اللي يعل كبودها
مات ابو زيد الهلال وعثر بالحصان ... و الليال السود ويش ارضعت مالودها

عبدالله بن شايق
انشد الايام عنا ليا هاب الجبان ... يوم عمك مهنته سوقها ثم قودها
عاشوا العالم على ابل وبقر معزه وضان .. نستغيث الله مزون تحن رعودها

محمد السناني
الدلايل واضحه ما يبي لك ترجمان ... الحصاه اللي على الخط جوك شهودها
..... ... قبل الرواتب و الضمان ... كل نفسن تنتج الجود من ماجودها

عبدالله بن شايق
الحصاه اللي بدربك على خط حلبان ... لو تحرك قوتك ما تهز حيودها
الله الدايم و دنياك ما تعطي ضمان ... و الجنازه عاقبتنا و هي في لحودها

محمد السناني
الحصاه اللي لها عندكم هيبه و شان ... مزبن الرايات يوم انكسر عامودها

لاهنت يافيصل


محاوره رائعه من عمالقة الرد


اعجني هالبيت


الحصاه اللي لها عندكم هيبه و شان ... مزبن الرايات يوم انكسر عامودها

لاهنت


وصح السنة الشعار

محاوره مميزه كتميزك يافيصل

شكرا للناقل على هذه المحاورة لفلاسفة القلطة واثنين من أخطر وأمهر فرسانها عبر تاريخها الطويل.

.................................................. ......

لا هنت على مرورك يا المرشدي

صادق .. طاروق كايف .. بين العمالقه


لا هنت على مرورك

ولا انت


صح بدنك نيابة عنهم