هيضني الغيداني لنظم البيوت=وانا منول عايف ٍ محبوكها
هذي ثمان سنين عيت لا تموت=عروقها اللي في حشاي تعوكها
والمهره اللي ما يقنعها السكوت= امست تزم اعجازها بوروكها
يوم اصهلت في صدر ما من الوقوت=احيت به ازهور ٍ تناحا شوكها
وارض القصيد اليا اصبحت خضرا نبوت=الها علي اجيبها بصكوكها
لاغلى الجواهر فالبحر جبت اليخوت=وابعد نجومٍ فالسما ماكوكها
من يوم ضاقوا مني كبار البخوت=اللي نعز اصغارها بملوكها
ضاقت علي صدور شرحات البيوت=كن الرحاه تلوكها وتدوكها
زرفلت بالهم الكبير مع الخبوت=وام الكباير ما تبعت سلوكها
يا ابن العرب يوم انت فالغبات حوت=هات العلوم اللي ينومس روكها

المشاركة الأصلية كتبت بواسطة محمد ابن رووق (المشاركة 1190003) صح لسانك ولسان الغيداني انت هيضت العالم وارض القصيد اليا اصبحت خضرا نبوت الـهـا عـلـي اجيبـهـا بصكوكـهـا كفو

المشاركة الأصلية كتبت بواسطة سـعـد الـعـصـيـمـي (المشاركة 1190091) ابدعت ياسند وبارك الله فالغيداني اللي هيضك صح لسااااااااااااااااانك

المشاركة الأصلية كتبت بواسطة محمد الذيابي (المشاركة 1190299) صح لسانك ياسند لاهنت يالغالي