محاورة نادرة
 

محاورة بين الشاعر صياف الحربي والشاعر مطلق الثبيتي رحمهما الله جميعا وعفا عنهم

اتمنى ان تنال الرضا


صياف :
الثبيتي كل ماشاف البحر يومي براسه= والبحر لو شاف مطلق فالجبل مايلتفت له
يحسب انه شجرةٍ خضرا يقطعها بفاسه = أشهد انه من مفاعيله حفلها الله يحفله



الثبيتي :
الثبيتي كل ماشاف الحنش بالرجل داسه= وان سمع واحدٍ يهرج ويخطي ماسكت له
انت يالحربي لحالك ماعلى راسك حراسه = وانت تعرف كل حربي لو يسيّر حل قتله



صياف:
إن لقيت الداب قيس السم ثم اعرف مقاسه = كان قلبك قلب صاحي له قلوبٍ صاحية له
انت لاقاضي ولاقايد ولاصاحب رياسه = واحدٍ هلت عليه أم الكباير واضحكت له



الثبيتي :
حبك اللي زارعه مقبل صرامه مع دياسه = جاك حبل من مسد ياصعبها نقضه وفتله
أمس سوى في علم زين مار اليوم حاسه = ليت ولين الصفوف الحاضره ماوقفت له



صياف :
قلبك ابرد من براد الثلج ماعندك حماسه = مادريت ان الجمال تحن والحمل ابركت له
أمس عسّانا اليمن لابارك الله فالعساسه = اثر مطلق عافت الدنيا وعيت تنعفت له



الثبيتي :
انت سم ازرق لكنه مايجيله نص كاسه = وإن غزيت القوم تغزيهم ولك سرقة وختله
ويش اسوي فالزلامي يوم يحداني بباسه = كان يغزي للمشاكل والعشيّه كيف جتله



صياف :
انت طيب مير لاغاب القمر فيك انعكاسه = قلبك يحب العرب لو الليالي مهّلت له
اكثر العربان مايرتاح لو تحزم ركاسه = كل ماشمر لها بالثوب الأبيض شمرت له



الثبيتي :
فيك خير وفيك شر وفيك يالحربي نجاسه = عقربٍ لاشافت الثعبان مع دربه حبت له
سرع ماخليت راسك في توالِ الليل طاسه= طاسة لاشفتها في صبرها عوجه وشتله



صياف :
مطلق الجازي (1) منول مايعود للخساسه = مار شوش للمحطه والمحطه شوشت له

رحم الله الشاعرين العملاقين

:
:
:


فعلا محاورة نادرة .. اول مرة اسمعها..

شكرا لك على النقل.
:
:
:

صياف :
الثبيتي كل ماشاف البحر يومي براسه= والبحر لو شاف مطلق فالجبل مايلتفت له
يحسب انه شجرةٍ خضرا يقطعها بفاسه = أشهد انه من مفاعيله حفلها الله يحفله



الثبيتي :
الثبيتي كل ماشاف الحنش بالرجل داسه= وان سمع واحدٍ يهرج ويخطي ماسكت له
انت يالحربي لحالك ماعلى راسك حراسه = وانت تعرف كل حربي لو يسيّر حل قتله

ههههههههه

الله الله


ياحلوها من محاوره بس ياليت اعرف مكانها الحفله فيها شخصيات


كبار واضح بس مدري هي في المغتره ولا محفل آخر ؟


ياليت من يخبرنا وين هذه المحاوره والشخصيات اللي موجودين



اشكرك على النقل الجميل

شكرا على المرور ياغالب

اشكرك ياسلطان

هذي المحاورة من محاورات المغترة والزمن الجميل ومن اروع المحاورات

وهذا رابط اليوتيوب

http://www.youtube.com/watch?v=I_ITf...eature=related











http://www.youtube.com/watch?v=f4m_D...eature=related

واعذروني على القصور


تحياتي

بيض الله وجهك ماحولك قصوور يالذيب



واضح انها في حفل كبير وشخصيات وعلومها علوم

الله يرحمهم ويرحم اموات المسلمين


شعر على اصوله


تحياتي لك

بيض الله وجهك ياسلطان

هنا تزين الصمت والمتابعه معهم ومع جيلهم وامثالهم

وهنا يزين المتصفح بمرورك


مشكور يابدر