يابن عاصم ياخالد ياعديم الضمير=والله انك بعدها شخص منت بري
ماهقينا تسويها ياشاعر كبير= لين شفنا عليها كيف قلبك جري

لو رجلك يابن عاصم تقص الغرير=كان ماقلت لي وراك يالبحتري
الحميا حدتني يوم غاب الوزير=وانت ياصاحبي عباد وش تحتري

مايغر الدروب البيض غير الضرير=ونت ياشاعر الميقاف لا تفتري
انت منت بوكيل له ولاانته بامير=يوم تطلع وتعلنها على المنبري

شب للنار نار وحط للكير كير=لجل وأم الكباير جيبها ينفري
مانداني على عوج الوسيمه يصير=شيء والرجال ماهو يالعصيمي صري

ماحسبنا وش اللي صار ولا يصير=والحقائق تراها كلها بدفتري
مار قفل عليها درجها يامدير=سلعتن بايره فالسوق ماتنشري

أنت خلك تحت ظل الجبل لا تنير=نخدمك في مساري ليل ماينسري
يشتريها الشجاع ويقتنيها الخبير=ولا ياجنب ياكود الخايب السرسري