لا والله إلا شدّوا البدو عجلين=طاريهم المسناد يم الدفينة
صارت مشاحيهم من العرْق ويمين=ماحدّر الطايف لجوّ المدينة
قالوا لنا العانة بعضهم مطوّين=ولا قاله إلا واحد ٍ خاصرينه
الشيخ رايه ما ظهر للوراعين=والى بغى له راي شاور خدينه
يااهل الجمال العفر والمربع الزين=شديدكم بالله من هو بدينه
قالت : حلال القوم شفنا الرباعين=شدوا و راي شيوخنا عادمينه
قال الحلال القوم : كانك توحَّين= غرو ٍ على يمناك ما تبخصينه
قالت : من الجذعان والا الدماسين=والا أجنبي ٍ توّهم كادشينه

مطوّع نفي وافق مطوع هل العين=والكل منهم ربه اعلم بدينه
ياالله ياخالف صلاة المصلّين=ورا مطوعهم وهم خابرينه

اللي يسبّون الأئمة شياطين=من التسعة اللي خربوا بالمدينة
نعم ٍ بهم وان كان ما سدّ نعمين=ما يطرحون الا المهاة السمينة