| محمد@الجعيد |
02-Jun-2011 07:10 PM |
مصافحه اولى عسى ان تحوز على استحسانكم
*·~-.¸¸,.-~*السلام عليكم ورحمة الله وبركاته
مساء الخير ../ صباح الخير
اخوكم :محمد معيوض الجعيد
اصافحكم بهذه القصيده المتواضعه على هذا الصرح الشامخ.*·~-.¸¸,.-~*
العرف ياهل العرف عنقودعنقود=ماجات صاحبها بصبح وعشيه
ونصيب من يتبع نصيبه بمجهود=وانا وراه بجهد والنار حيه
اقدم الخطوه ولايمكن اعود=نجمن على العليا يدور سميه
جبت العسل بالعزم من داخل العود=ماهمني كثر النحل فالخليه
وحسام عزي للمواقيف مجرود=ولاني بحده كاسر المقلميه
ولاني من اللي يعجبه شقرة العود=مرضا على ربعي ثلوم وزريه
ربعي هل الوقفات والطيب والجود=اهل الشجاعه سقم في كل هيه
تصون حق الجار ماهو بمجحود= ولا قد شكة جيرانهم مشنويه
ودخيلها فالوجه عن حقه تذود=اهل الوفاء واهل اليمين السخيه
والباب يم الضيف ماهوبمسدود=وقدام عين الضيف نارن وريه
وبجالها صفت مباهيرن قعود=والعود الازرق والعلوم الطريه
الطيب لاهل الطيب بطيب مردود=ولا الردي تحرم عليه التحيه
من ضدهم خسران مهدود مهدود=راحت علومه فالقا طوشليه
ربعي الاد جعيد حمايت الذود=هم عز لي مادامت الشمس حيه
واليوم لاحاسد ولاني بمحسود=وكلن على مافات جر النعيه
والعقل في نقصان والعمر في زود=وكم راع عرشن ورثه لرعيه
ولاء ولوانه من الناس محمود=في حفرتن حول بجنبه خويه
ولو كان قاد النمور واذياب واوسود=ولوأنه السلالة رجالن قويه
مايقدر يزحف عن عيونه الدود=وآحظ من صلى وتابع نبيه
والطيب الي لو بني عمه هنود=يذكر بفعل الطيب والله وليه
الفرق فرق التقي لن كان موجود=ولاء زمان السيف والجاهليه
والله يعز ملوكي سلالة سعود=خدام بيت الله رجال الحميه
بظلالهم خلق الله نعام ورقود=من خيرهم عشنا بعيشه هنيه
وحب الوطن فالقلب ماحده حدود=عن الوطن قدمت روحي هديه
حنا عتيبه للوطن ناقف جنود=سريتن ياطيبها من سريه
الظالم نهينه ولو جمع حشود=نفرق حشوده نضد الغزيه
والخاين من الدار مطرود مطرود=ماله تواجد بالعلوم الرديه
والحيه الي تنزع وتلبس جلود=تبقى بعين الذيب ياناس حيه
البيض بيضن ماتخالط مع السود=وساس العمل ياناس مبني بنيه
يامزين الارهاب بلباس وعقود=فعلك محى سترك بعين البريه
الدرب ياهل الفسد بالحيل مسدود=ومن خلفكم صفت جنود المنيه
لن قالها الله ترجع سهود ومهود=وبرجل تدعس حيتن عالميه
وتنثر زهور العز بدار وورود=في ظل من هو مارضى بالخطيه
والسهيل ويا الجدي ومقيدح شهود=على حروف اللساني الابجديه
|
