بديت بسم مدبرالكون تدبير=علام مايخفاءعظيم الجلالي
اله الثناء اللي عالمن بالمقادير =سامع دعاءذالنون فول أوتالي
مهلك هل الأيكه أومنجي هل الخير=فردن صمد منش السحاب الثقالي
ماله شريك مصخرالصعب تصخير =عالي ولاغيره على الكون عالي
أساله الرحمه ولاسالهاغير= عليه في كل الدروب أتكالي
ومن بعدذكره صوب ذخرالمناعير= راع الوفاءوالطيب في كل حالي
سلامن أحلى من فواق المصاغير= ينصابدرموفي حقوق الرجالي
الشاعر اللي مايهاب الطوابير= حرزن مكينن فالشعرله مجالي
أمطوع الصعبات لوهي معاسير =ماهمته لوهي كبارالجبالي
عارف من العريف زبن المظاهير =مذخورقومن يحتمون التوالي
يوم الليال اللي بهايشبع الطير= من فعل قومن يوردون السلالي
الكم مواقيفن عظيمات يامطير= يهل الثلاث المعجزه فالقتالي
ونعم باللي يوردون البواتير =أمن القبايل في جنوب أوشمالي
ونعم مايدرك تراءبالدنانير= ولايابومنور بخشم الريالي
مايدركه غيرالرجال المشاهير=اللي سواتك ياعريب الخوالي
ياصاحبن تقلط نهار المحاضير= نشمي طويل أذراع وافي خصالي
شاعرمع الشعارحجمك كمالنير= أنشهدنك من كرام السبالي
قروالك عندي جميع الشواعير= يلي تحل أمعقدات الحبالي
ماكل من هازك طلعله أبتقرير= غالي وشعرك طول الأيام غالي
عندالرجال أهل الوجيه المسافير= يسوى قناطيرالذهب لاتبالي
أقولهامن دون شكه أوتزوير=والحق ياراع المعرفه أيقالي
ومن لاهرج بالصدق مابه تراءخير=أولعل ماله طول وقته عيالي
ونالياجني هجوسي مناحير =شرايدن أتقول فيهن جفالي
ريعتهن وركبتهنه كماالضير= ثم جالهن وسط الضمير أجتوالي
نوجن تباالماردأونوجن مصادير= لاكن أوردهاالقراح الزلالي
ولياهدن جنبي ثلاثن مباهير= كيف النشاما أهل الوفاوالمعالي
أخذت منهن لين يهدن ويصير=رتاح فكرأومنشرح زين بالي
ثم أعطفن سوات عربن أباكير= وخذت محلابي وزاد أنفعالي
أدورالجزله ولادورالغير= أنقاء جزايلها وكب الهزالي
ماهمني لوطولن المشاوير= أترك أموسمهاوجيب الغفالي
من شان لسمعوبهن العياطير= ماينقدون أولايقولون قالي
قبلك سمعناهالاكن أخلف الصير=أخشى من النقادونقاء الجزالي
والشعريبغاءمثل عبدالله العير=ولاكمامطلق وشيخ العوالي
ولاكمالافي وسالم بن جخير=ولاالحويفي وبن مبرد لقالي
قوله يورخ مثل ماورخ الزير= ولاكماالعبسي وزيدالهلالي
ولأالنصافي صقروبخيت وشقير= ولاولاكماأبن حميد صعب المنالي
ولاكماأحمدشاعرالعرف وسدير= ولاكمابندر أصعيب المحالي
ولاكما محمد مبارك أصخيبير =ولاالشريف اللي سوات الجمالي
ولا كما مفلح وابن عون وصعير=وولا كما ابن عقل وافي الخصالي
ولاشباب الوقت هاذامعاثير= يصلح لهم أهجارولاعقالي
الكل منهم صايرله جماهير= وكلن يابومنوريصيح أويلالي
نوبن مسانيدن ونوبن محادير= ياكثرياراع الوفاماطرالي
لاكن أبعبروبامنك تعبير= والعمرلوطول يجيه الزوالي
أهمه سوات النارجايلها أسعير= وحناعليهم مثل وبل الخيالي
لاكن واصل ياعميل الوفاالسير =حتى يزيدأهبال ذولا أهبالي
لن طولو ون قصرو ماش تقصير =لينن أشوف الجوقدمي صفالي
من هالشباب أهل الحكي والدهاوير= الكل منهم ضاربن فج خالي
فالشعرولأالطيب دايم مناعير= أهروجهم فالشعركبرالقلالي
وهمه لهم حشمه أوقيمه أوتقدير= لاكن لن راحو يروح الجدالي
صاروبهاذا الوقت مثل المعاصير= وفكارهم يابدرفيهاخيالي
والمسك مايصلح تراءجنبه الكير= والقصدواضح يامروالصقالي
فالعرف أميرأوفالشعرقسمن أمير= قدرك كماقدرالرفيق الموالي
دايم بيوتك يالعرندي مغاتير= وافي ولله الوفاوالكمالي
أن حاروالشعارماظني أتحير= حسب الهقاوي فيك يابن الحلالي
تاردكماوردالضوامي على البير =وتجيب جزل الشعر ياهملالي
ولاهي غريبه يالسنافي مذاخير= ورثن الك من ماضيات الليالي
ونكان فيه أحراج مني معاذير= لك يبيض الشارب قوي المقالي
وختامهاعدالمزون المزابير =وعداد ماهبت جنوب أوشمالي
صلوعلى اللي منذرالناس تنذير =خيرالملااللي مامشى بالضلالي

عد الغصون المخضرات المزاهير=وعداد ماواد به السيل سالي
وأعداد ماتنبت زهور ونواوير=في خد نجد ليا عشاه الزلالي
حي الحروف النادرات الجواهير=ياشاعربالجزل ترقى العلالي
تسبح بحر وتصدر الدر تصدير=وتبني مثل شم الجبال الطوالي
شاعر حكم وتخدر الخصم تخدير=تملك مفاتح مبهمات القفالي
عوق الخصيم اللي يحد المناشير=شوق الهنوف إم الغنج والدلالي
وصلت بيوتك ياسليل المغاوير=قيفانها در البكار المتالي
تثني علي بها وتثني على مطير=وأنته مقامك مثل إحد مايكالي
يابن الرجال محكمين الأشاوير=أهل بيوت وافرات الضلالي
وأهل البشاشه في وجيه المسايير=وأهل هلا ومبهرات الدلالي
وكبش عليه يقلطون الخطاطير=يوم اليالي شح والجيب خالي
قلته ثنا يامحتمين المصاغير=جيران وأصحاب ن عزاز وخوالي
وكل القبايل تفعل الطيب وتسير=على الوفا والصح والاعتدالي
والشعر له بين المشاكيل تقدير=أهل النفوس اللي تحب التعالي
عن مايشوب القافيه والتعابير=وعن مايشين الوجه بين الرجالي
وأنته من أسياده طوال الأشابير=وكب الذي في روسهم إعتلالي
تنقى النوادر ماتجيب العثافير=دايم طروقك وافيه باكتمالي
واللي ذكرته من كبار الشواعير=حكام شعر أهل ثنا وإحتمالي
ماهم بفي حاجة مجامل وتمرير=وقيفانهم ماتقبل الإختزالي
ولاهم بفي حاجة صحافه وتحرير=للشعر فيهم بهجة وإحتفالي
وكم غيرهم من لايحسب المخاسير=جزل البيوت بحبك ولا إرتجالي
والشعر بحر ماعبره المعيثير=تلاطم أمواجه على كل جالي
أحد يجيلك بالدرر والمحاحير=وأحد على تلاطمه مايوالي
ليانوى عومه ورسى مسامير=قواربه وأحكم طوال الحبالي
كسر مجاديفه على الجال تكسير=جعله يطيح بماقع مايشالي
وأحيان أقول إن القرايح مواكير=والنادر الفارع عسير النوالي
وأحيان أقول بكار برص المواخير=ترعى المراعي فالسهل والحيالي
وشباب هذا الوقت عطهم تحاذير=وقل مالكم ياهل القرايح ومالي
ياحالب القدم تركت الأواخير=وياحالب الوخر عليك الضلالي
ألا الذي منهم يحكم الأشاوير=جبال ماهم يالسنافي تلالي
ومن غير الجزلات بالهزل تغيير=يروح يامال الوذا والخمالي
وحنا نشمر للجزيلات تشمير=نحتل عذب عذابهن إحتلالي
تدبير وإتقان وتدبر وتعمير =على الصفا والساس ماهو هيالي
تجي وحنا ماسرحنا مداوير=تبا الوصال ولالها ألا الوصالي
من صغرنا لو ما للأشبال تصغير=وهنه لنا لو ماهن بروس مالي
المال دين مقدر الامر تقدير=اللي يحقق معسرات الآمالي
وأن راح مانلحق عليه التحاسير=يسبح بحر ولا يروج السهالي
هذا عن القيفان وقت التياسير=ياشوق من توصف بعنق الغزالي
وخل الهقاوي لليال المعاسير=عند إختلاط سهومها بالنبالي
أوجزتها حتى تبين التقارير=وعن الملل يا سامعين المقالي
ويالله غفرانك وحسن التباشير=عند الممات بخير وأفضل مئآلي
وصلوا عداد أعشاب عال الحمارير=على الرسول اللي مشى بالعدالي