مشينا معك ياوقت العنا والذل شرق وغرب = ولاشفنا من أيامك سوى هالشك والريبي
مشينا معك مشية شايبٍ دايم كلامه ذرب= نبي طيبك ومعروفك يجي بالعرف والطيبي
وقفنا معك وقفة فارسٍ وقّف نهار الحرب = نقول الحرب يمكن يقنع الأيام وتطيبي
لكن ماجيت مع طيبي ولا يقنعك حام الضرب = ولا أدري ويش أسويبك ولا أدري وش تسويبي
ألا ياوقت رح عاند هل إسرائيل وأهل الصرب = لاتقعد تمتحن لك مسلمٍ راعي مواجيبي
أنا مسلم ولد مسلم ولد فكاك تال العٍرب = أبوي وجدي اللي يشبعون الطير والذيبي
وأنا ماهمني ياوقت قصة بعد وألا قرب = أنا أدري بالمراجل تتعب طوال الأشانيبي
أنا يوم إني أفكر وأشوف إني مع أول درب =وأشوف إني رغم سني سكن في راسي الشيبي
أعاف النوم والراحة وأكب الزاد وأنسا الشرب = وأخاو الليل ونجومه وأسافر مع هناديبي
أودع سرب هم وسرب وأستقبل بعًدها سرب = هواجيسي مع الأيام تقبل بي وتقفيبي
وألا يالله يافارج عن المكروب هم الكرب = رجايه فيك ألا ياعالمٍ بالسر والغيبي

المشاركة الأصلية كتبت بواسطة علي الدعجاني (المشاركة 1183754) صح لسانك ياشباب ولاتحرمنا من ابداعك

الشرف لي ياخوي عبدالرحمن
والله يبقيك

وصح بدنك

ومرورك بحد ذاته شرف لي

المشاركة الأصلية كتبت بواسطة ابن صنهوت (المشاركة 1183806) صح لسانك يا شباب مبدع

صح بدنك يابن صنهوت

ولاهنت على المرور

صح بدنك يامحمد

وحياك الله وشاكر مرورك