الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى المسابقات الشعرية (http://www.otaibah.net/m/forumdisplay.php?f=90)
-   -   عفاس حرباش شاعر سبق عمره (http://www.otaibah.net/m/showthread.php?t=126106)

محمد ابن رووق 19-May-2011 07:47 AM
عفاس حرباش شاعر سبق عمره
 
في زمان أصبح الشاعر أكثر من المستمع وزمن تشبعنا من الشعر الإ أن هناك من يسحرونك بقوة

قصيدهم وأفكارهم الجميلة ومن بين هؤلاء الفطاحلة عفاس حرباش


رغم صغر سنه الإ إنه داهية واستحق مدح عمالقة الشعر من سداح دحمد العصيمي وغيرهم الكثير



فكرت اختار اجمل قصائده واحترت قلت بإسلوب تهجمي بسطو على اقرب شي قدامي



له اسلوب فكاهي قل ما تجده في الساحه الشعبية


لاتحبطين اندفاعي لو عمرك صغير =الحب لامن وقع في قلب عاشق ، وقع !
من كثر ما انتي بنعّومه وجلدك حرير =الظاهر انك من اول تاكلين الرقع



وهذا شي من فلسفته

اكره الغامض واحب المستحيـل =وان تسّهل قبل لا املكه / اتركه !
واعتني بالقل والشـيء القليـل =الكثير احيـان مافيـه ابركـه



ميولة الرياضي مع العلم اني اشجع البرشا الا ان الابداع الشعري يفرض وجوده

النادي اللـي ماتزحـزح ركونـه =يلعب على الحاضر وتفكيره بعيد !
هزيمته مـره/ ضيـاع ومهونـه= وفوز الخصم مره / بطوله وتمجيد
اليـوم رد الثـآر / يابرشلـونـه= وترجع لحجمك صح ياريال مدريد

وهذه رائعته


اجمل شعور يمر في بـال الانسـان =انه يعيـش بقـرب قلـبٍ يحبـه !
حياته ابيض وآسود وحبـه آلـوان=زانت حياته واصبحـت مستتبـه !
ياكم قطف ورده من آطراف بستآن =وعذره معه / لنه قطفها ( مشبّه ) !
حبيبتي مآعاد لي هجـس ولسـآن =لنك شعر عذب وشعوري مصبـه !
قلبك من البـارح وسهرتّـه تعبـان =نآمي وخلّي نبض قلبـي ( منبّـه )



وهذه مواكبة للاحداث


من وين مالقيت آحصـل سياسـه =مليت من كثر الخطب والتصآريح !
ورفيقي اللي كآن راعي ونآسـه =ويحب جمعتنا على هبة الريـح !
جيته وحصلته مسـوي دراسـه =كم دوله بتبقى وكم دوله اتطيح ؟







اختمها بهذه الابيات من مبدعنا


طرت بالنـور ياجنـح الظـلام =وعشت في ظلمة الليل الكئيـب
كل ماقلت لجروحـي / سـلام =سلم الجرح لو عهده قريـب !
اتظاهر ولا اظهـرت اهتمـام=لين صـارت ملذاتـي تغيـب
كل ليله بدون احبـاب / عـام=وكل طاري بدون شهود / غيب
اعطي الشعر رهبـه واحتـرام=واشطبه قبل رمحـه لايصيـب
افقد الشعـر وارجـع للكـلام=بس ما افقد اذا قلتـه /حبيـب

عبدالمجيد النفيعي 19-May-2011 09:34 AM
:)
مـن كثـر مـا انتـي بنعّومـه وجـلـدك حـريـر=الـظـاهـر انــــك مــــن اول تـاكـلـيـن الــرقــع

الصراحة التعبير بليغ لكن ليتها سلمت من غزله :)


وان كـان لـي فرحـة تكفـي لهـا يـوم=يـــاربـــي اجــلــهــا لـــيـــوم الـقــيــامــه

أدري إن البيت هذا ليس في الموضوع لكن أعتقد إنه سبق للشاعر بيت جميل جداً جداً

ولاهنت يابن روق وننتظر منك موضوع آخر مشابة

محمد ابن رووق 19-May-2011 08:35 PM
اقتباس:
المشاركة الأصلية كتبت بواسطة عبدالمجيد النفيعي (المشاركة 1183515)
:)
مـن كثـر مـا انتـي بنعّومـه وجـلـدك حـريـر=الـظـاهـر انــــك مــــن اول تـاكـلـيـن الــرقــع

الصراحة التعبير بليغ لكن ليتها سلمت من غزله :)


وان كـان لـي فرحـة تكفـي لهـا يـوم=يـــاربـــي اجــلــهــا لـــيـــوم الـقــيــامــه

أدري إن البيت هذا ليس في الموضوع لكن أعتقد إنه سبق للشاعر بيت جميل جداً جداً

ولاهنت يابن روق وننتظر منك موضوع آخر مشابة


هههههههههههههههههه


انا اشهد تعبير بليغ



لاهنت ياعبدالمجيد

فهد علي العازمي 20-May-2011 02:48 AM
لاهنت يابن روق


بس ليتك عطيتنا البطاقة الشخصية

لإني اقراء له في المرقاب واحسبه لقب مادريت إنه اسمه

محمد ابن رووق 20-May-2011 03:09 AM
اقتباس:
المشاركة الأصلية كتبت بواسطة فهد علي العازمي (المشاركة 1183688)
لاهنت يابن روق


بس ليتك عطيتنا البطاقة الشخصية

لإني اقراء له في المرقاب واحسبه لقب مادريت إنه اسمه




عفاس محمد حرباش المرشدي

23 سنه تقريبا

فهد علي العازمي 20-May-2011 03:19 AM
الف شكر يامحمد


الساعة الآن »04:42 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd