والله اني ما عرفت التودد والخضوع =لين شفت الجادل اللي سحرها في خدها
شامخاً راسي وطبعي فالزمن رجل(ن) قنوع=يوم تأتي المواقف والله أني قدها
مير قدم اللي سحرني زينها شمس الطلوع =أملكتني بالمحبة مير ماني عبدها
أملكتني بالتغنج والوسامة والطبوع =أسرقت قلبي وقفت كيف عدت حدها
آه منها .نار شوقي فا الحشا تسرج شموع=سامر(ن) من حر ما بي والنجوم أعدها
آه منها .موق عيني عقبها يذرف دموع =يذرف أدموع الغلاء ولا قدرت أردها
الهنوف اللي رمتني من سبوع أليا سبوع =توعد وتخلف ولا قد تحقق وعدها
ما درت أني في عهد الهواء ماني قطوع= رجل وافي الخصال واللزوم أسدها
ما درت عني وأنا اللي في محبتها طموع =المشاعر سقتها يمها واحدها
المشاعر سقتها والهواجس بالجموع =يم ديرتها عيوني بالنظر الدها
الحواس اللي براسي بما فيها السموع=أشغلتني بالفكر ثم بيح سدها
الخضوع لها بقلبي ما هو انحنى وركوع =هامتي ما تنحني غير للي عدها
بس نار الشوق في خاطر تقدع قدوع =حبها بالقلب له فلة(ن) ما هدها
بس تدرون التودد من ربوع أليا ربوع =أن روتني بالمحبة والا بلعن جدها
آه يا مر التودد وآه يا مر الخضوع =آه من بنت(ن) سحرها بان لي في خدها

المشاركة الأصلية كتبت بواسطة عالي بن دراج (المشاركة 1183709) آه يا مر التودد وآه يا مر الخضوع آه من بنت(ن) سحرها بان لي في خدها انا اشهــــــد .. صح لسانــــــك ..

المشاركة الأصلية كتبت بواسطة مرزوق حمدان العتيبي (المشاركة 1184462) .. . صح لسانك مبدع يابو غيث اخوووووكــ ....

المشاركة الأصلية كتبت بواسطة محمد الذيابي (المشاركة 1184472) صح لسانك . . . تقبل مروري