لبّيـه ياسيـد المزاييـن لبّـيــــــــــــه
لبّيه لك من قلب واشعور واحساس



لبّيه ياللـي كـل ماحـل طاريــــــــــه
يفزله قلبً مـن الوقـت منـــــحـاس


قلبً عناه الوقـت والهـم طاويـــــــه
في ضجّة الاحداث والوضع حسّاس


ويبقى هوى قلبي وغايـة أمانيــــه
الجادل اللي حبّها يرفـع الــــــراس


بنت الشيوخ اللي من المــجد وإليه
قومً لهم في قمة المـــــجـد نبـراس


اللي مهيب اتدوّر الماس تشــــريـه
هي الذهب واللول والــدر والمـاس


تبقى سمو الــــحب وأسمى معانيـه
حتــــى ولو ان القــــدر فـرّق النـاس


ياهيـه ياسيـد المزاييـن ياهيــــــــه
ياللي حلاتك فرق عن كل الاجناس


ولعتني وعلقتنـي فالهـوى ليــــه؟
وتركتني بين الرجـــا منك واليـاس


أمـا تعدّينـي حـدود المشــــــاريـه
والا رصيد الحب يعلــــن بالافـلاس