الا يالله طلبتك ياولي العرش يارحمان = ياوالي النفس يامعبود ترحمها وتهديها
على سنة نبيك دلها وتلاية القران = بيدك الملك ملك الكون وانت اللي تزكيها
هذا منهاجي الاول وباقي فعل للجذعان = اعد فعول ربعن كل قالات تسويها
سلالة جده الاول زريب منزح الفرسان = ترى التاريخ سطرله بماضيها وتاليها
حروف المجد تحييها بقت لو طالت الازمان = بدون قصورفي باقي القبايل حقها فيها
لكن المدح يصحبني ليا جا طاري الزربان = حرار صارمه تشفي وهذا فعل اهاليها
ولايذربني ايض المدح فيها تفعل الشجعان = الا يانعم اقوله مار مدحي مايكفيها
ياطيب فعولهم وفعولهم ورث من الجدان = هذا فعل الرجال اللي تنومسنا بطاريها
طحاطيح الدهاه اللي موصفة من الضلعان = مقر الجود واهل الجود طايلة يمانيها
ولها بيوت مقر للعرب وتكرم الضيفان = بيوت اللي تبا تلقى الكرامه والشحم فيها
بعدها سامحوني واسمحولي كان به نقصان = لو امدح كل وقتي فالقبيلة ما يوفيها
وعسى الله ينصر اهل الحكم واهل الدين والامان = تحت حكم المليك اللي بشرع الله محيها
ابو متعب على اهل الخير خير وشر للعدوان = حبيب قلوب كل الشعب مغليته ومغليها
اختامها صلاة الله على محمد نسل عدنان = شفيع الخلق يوم الحشر مسندها وراعيها