سلام ياللـي وافـي ٍ فالمواجيـب=شيـخ يرحـب بالنشامـا وهــلا
رجلٍ ليا عـدت فعـول الأشانيـب=فعله مثـل نـور القمـر لاتجـلا
وإن راحت وحارت وعـادت مناديـب=يلقى لها عنده مـن الفكـر حـلا
عـزالله إنـه طـب كـل الاطابيـب=هـذا صحيـح الـقـول لاوالله الا
ماهو على الصاحب قريَب محاضيب=وإن جات وقـت اللازمـة ماتخـلا
كلمة هلاوالهيل والخيـل والطيـب=الله وهبهـا لـه تبـارك وجــلا
ذراه يذري عن سموم الملاهيب=سيفٍ على هامات الأعـداء يسـلا
أمير بأفعالـه ماهـي بالمكاتيـب=سقم الحريـب وصاحبـه مايمـلا
عزالله إنه يذكره كـل مـن نيـب=ويضد لا مـن هـاب غيـره وذلا
جده وأبوه وعمه وخالـه الطيـب=وأصبح أله بالطيـب قـدر ومحـلا
ولولاي أعرف الطيب وهبة بلا ريب=لقول لأهل الطيب وش عـاد خـلا
ماينحني رأسـه مهَـد الأصاعيـب=الاَ لوالدينـه وإذا قــام صــلا
حاتم عتيبة قـول مافيـه تثريـب=غيثٍ يغيث إليـا نشـى واستهـلا
وإن قيل من هو قلت راع التراحيب=حرٍعلـى بـرج المراجـل تـعـلا
جامع جمع كل المراجـل بترتيـب=إن قـال تـم ولا تـعـوَد لـعـلا
وإن جات للحكمة أميـر الأساليـب=وإن كان بالهمـة طروقـه تخـلا
كسب نعم ياحيهـا مـن مكاسيـب=غصبٍ على ضـده وعينـه تحـلا
يشيب فيه القـاف ماظنـه يشيـب=القاف يضحك لـه وفـاء ماتسـلا
هذي صفات الشيخ عطب المضاريب=لالاولالا وألـف حـاشـا وكــلا
هذاه موجـز والتفاصيـل فالغيـب=تبدابه الأرقـام مـن حيـث حـلا
يكفي فخر ثقـة مليـك ومعازيـب=يومـه لفـوجٍ فالملـيـدا تــولا
والطيَب أفرح به ولـو فالأجانيـب=وشلون يومـه فالربـوع الأجـلا

المشاركة الأصلية كتبت بواسطة صارم عتيبه (المشاركة 1180240) صح لسانكـــ ،،،، يالسدر نتطلع لجديدكـ،،، تحياتي صـــــارم عتيبــــه

المشاركة الأصلية كتبت بواسطة تركي بن مدعج (المشاركة 1180241) فهد السدر صح لسانك وجامع بن عبدالعزيز يستاهل والشيخ المرحوم والده لن يكرر التاريخ مثله الله يسكنه فسيح جناته لاهنت يافهد

المشاركة الأصلية كتبت بواسطة ولدعساف (المشاركة 1180253) صح لسانكـ .. ويستاهل بن جامع وهو كفو للمدح .. لاهنت على التدوين .. :)