الهيـــــــــــــلا *** منتدى قبيلة عتيبة

- قصائد الأعضاء (http://www.otaibah.net/m/forumdisplay.php?f=10)

- - مالها غير فنجال (http://www.otaibah.net/m/showthread.php?t=125645)

مالها غير فنجال

{ مالها غير فنجال }

قامت عتيبه وأعتزت لأجل فنجال
راع المواقف والعزوم القويه
شوف الحلال اللي معه يشرح البال
يستاهل الأول ولا فيه زيه
ماساقها قبله مع الناس وبال
تفخر بها نجد الرياض العذيه
ماكل متمني تجي له على الفال
يوم الرجال تسوم هاذي وذيه
تفرح بها النخبه بلا شك وجدال
لاجات صفت مثل عسكر سريه
بوصوفها ولا من الزين والحال
ألا لها الأوصاف ميه بميه
من شافها ينسى حلاله ويهتال
ماتدخل الهزله بها والرديه
فنجال أبن سلطان عداله جبال
عجزت تعديها الرجال الونيه
يافرحة عتيبه على كل الأحوال
أنجازها دايم على الأولويه
بالمركز الأول لها طبع وجزال
ماهي غريبه للرجال الوفيه
شكرآ يابن سلطان ياخير الأجيال
ميقافك أثمر جهد صبح وعشيه
كل القبيله معك رجال رجال
ضد الليال العاثره والسنيه
سقت المراجل كلها ألوان وأشكال
ثروة يمينك من كرمها نديه
غيثك يعم الناس شيبان وأطفال
يامن كسبت أغلا الدرر والرعيه
كلن يقلد سمعة الشيخ فنجال
لأنك زعيم وتعتلي كل هيه
شبل القبيله رمز من ذيك الأشبال
لا قيل أبو خالد ولا به حليه
له في رفيع المجد قمه ومنزال
دايم على الهقوات والنار حيه

الشاعر: حمود عبيد العازمي


	صح لساااااانك يابن العم وفنجال يستاهل اتمنى لك التوفيق اخوك نشمي العازمي

صح لسانك ويستاهل فنجال

لاهنت يالغالي

حمود واضح انك من بيت شعر وان ماخاب ضني انك في بدايتك الشعريه

الربط في البيوت جميل جداً في هذه القصيده خاصه،، قراة لك قصيده

قبل طيبه بس يبدو انها اول قصيده لك ومتحفظ على الملاحظه اللي فيها

لذالك فسرت انك في بداياتك ،،ولا بد اشيد فيك إذا حصلت منك نص جميل

ولا بد اذكر الشي السلبي وهذا الكلام لو مبيك تستفيد ماقلته

انت شاعر وفيك مواصفات الشعر، لك مني خالص التحايا

صح لسانك

ويستاهل الممدوح

صح لسانك ياحمود العازمي

بيض الله وجهك

وفنجال الشيباني يستاهل المدح

وابله النخبه بلا منازع

والقصيده طيبه واعيد صح لسانك

تحياااااااااااتي تقبلها

..

صح لسانك ولاهنت

ويستاهل الشيخ فنجال بن سلطان البعير الشيباني ،،،

صح لساااااااااااااااااانك يا ابو عبيد

جزلة يالغاااااااااااالي

صح لسانك ولاهنت ياطيب