من روائع القصيد في الغزل(2)
 

للشاعر عبدالله بن سبيل

يالله ياللي تسجد الخلق لرضاه\\\يا وامر خلقه على حج بيته

تفرج لمن سده على الناس مابداه\\\راضي على مقسومك اللي عطيته

من شي يسل الحال والجسم يبراه\\\والناس مايشفونه ان ما شفيته

قلت اه واجرحاه من علتي اه\\\ وان حملوني حمل غي قويته

قالوا سفا بالحال ويش اللي اغواه\\\قلت اه ويش المنكر اللي وطيته

قالوا جهلت وبان علمك لمنهاه\\\قلت اه علني ياملا ماكميته

قالوا طلبنا لك من الله معافاه\\\ قلت اه وحدته وعفوه رجيته

قالوا هله واحباب عينه نصحناه\\\ قلت اه هذا واردما بغيته

قالوا ندور لك من البيض حلياه\\\قلت اه لو غيره بكفي رميته

قالوا تزوج كود تدله وتنساه\\\قلت اه لو خذت اربع ما نسيته

قالوا من اقصى الناس وين انت واياه\\\قلت اه مانسى يوم جاني وجيته

قالوا نشوفه عند هذا وهذاه\\\قلت اه ماعمره عقب حجر بيته

قالوا عليل ناقل داه برداه\\\قلت اه باقر ابي وروحي فديته

قالوا كثر شيبك وقلبك بعمياه\\\قلت اه لو قلبي غرير نهيته

مطاوع قلبي بعجفاه وقداه\\\ والي عطى منهاج درب عطيته

ياناس خلوا كل وادي ومجراه\\\قلتوا كثير وقولكم ما لقيته
#@#@#@#@#@#@#@#@

قرناس الصبيحي

تسلم وصح السان قايلها

(الدلبحي، وطويل الذراع ) مشكورين على المرور

وان شاء الله القصيده نالت اعجابكم

تحياااااتي ياغالين

قصيدة رائعة وحكيمة بكل ماتعنيه الكلمة , وصح السانك والسان الشاعر الكبير ابن سبيل

لاهنت على هذه المشاركة الرائعة ياقرناس الصبيحي



تحياتي

الله يعطيك العافيه


لاهنت ولاهان غاليك


ابن مرجاح

(ابن مشيب )و(ابن مرجاح) لا هنتوا ياعيال العم ومشكورين على المرور


تحياااااتي ياغالين

راس الشلفا مشكور ياغالي على المرور وقراءة الموضوع



الله يعافيك